Müsahibə
Qurban Qurbanov: "Layiqli qələbə qazandıq"
"Qarabağ"ın baş məşqçisi Qurban Qurbanov Azərba…
"Qarabağ"ın baş məşqçisi Qurban Qurbanov Azərbaycan Premyer Liqasının 3-cü turu çərçivəsində "Neftçi"yə qarşı keçirdikləri oyunu şərh edib. Futbolinfo.az xəbər verir ki, Ağdam klubunun çalışdırıcısı 3:0 hesabıyla bitən qarşılaşmadan sonra bunları söyləyib:
– Futbolçularımı təbrik edirəm. Layiqli qələbə qazandılar. Sona kimi mübarizə apardılar. Fikrimcə, üzərlərində çox işləməlidilər. Azarkeşlərimizə təşəkkür edirəm, bu matçda bizə dəstək oldular.
– “Höteburq”la oyunun hazırlıqları necə gedir?
– Hazılıq prosesinə bu oyundan sonra başlayacaq. Bir az yorğunluq var idi, ona görə də bəzi futbolçularımıza istirahət vermişdik, sabahdan məşqlərimizə start verəcəyik.
– Əl-Jadeyuini göndərmək istəyirdiniz. Bu oyundan sonra onunla bağlı fikirləriniz dəyişməyib?
– 1 oyuna görə futbolçuya qiymət vermək lazım deyil. Həm də limitlə bağlı bütün futbolçulara şans verə bilmirdik. Avropa Liqasının qrup mərhələsinə görə 2 heyət yığmışdıq. Onun yaxşı oynaması borcudu. Biz onun potensialını görüb dəvət etmişik. Oyunçunun qol vurmağı 11-likdə yerini təmin etməsi demək deyil.
– Bu qədər təzyiq komandaya pis təsir etmir?
– Xeyr, buna normal yanaşıram. Hamı istəyir ki, qrupa düşək. Amma bizdən asılı olmayan səbəblər var. Maksimum düzgün hazırlaşırıq. Ötən matç məğlub olsaq da, futbolçularımdan razı qaldım. Bəzən nə qədər yaxşı oynasaq da, bu, bəs etmir. Yaxşı oynayıb, məğlub oluruqsa, demək ki, qalib gəlməyə ümid var.
– “Höteburq”la ilk matçda qapıya xeyli sayda zərbə endirmişdiniz. Hücumlarınızın məntiqi sonluqla başa çatmamasının səbəbi nədi? Həmçinin, yeni transfer Dino Ndlovun sanki çəki problemi var, yoxsa onun görünüşü elədi?
– Qapıya xeyli zərbə endirsək də, qol olmadı. Deməli, daha dəqiq olmaq lazımdı. Fürsətlərdən maksimum yararlanmalıyıq. O ki, qaldı Dinoya, onun quruluşu belədi. Bu gün tam hazır deyil, bəli çəkisi 1-2 kq artıqdı.
– Cavab matçında o da iştirak edəcək?
– Ən azı 18-likdə olacaq. İstərdim ki, hazır olsun. Oynamaq ehtimalı böyükdü.
ELMAR ABDULLA-ZADƏ
- Ölkə futbolu2024-05-12 10:36
Mahir Xorvatiya çempionu oldu
- Premyer-liqa2024-05-11 18:55
“Araz-Naxçıvan” “Turan Tovuz”a uduzdu
- Ölkə futbolu2024-05-12 08:45
Elxan Məmmədov – Mərdəkandan Kürdəxanıya yollanmaq üçün səbəb var
- Digər idman növləri2024-05-11 15:30
ABF rəsmiləri FİBA-nın assambleyasında iştirak ediblər