Müsahibə
Yorgen Lennartson: "Cütün favoriti yenə də "Qarabağ"dır"
Sabah Avropa Liqasının pley-off mərhələsinin cavab matçı …
Sabah Avropa Liqasının pley-off mərhələsinin cavab matçı çərçivəsində İsveçin "Höteborq" Tofiq Bəhramov adına Respublika stadionunda "Qarabağ"ın qonağı olacaq. Futbolinfo.az xəbər verir ki, İsveç klubunun baş məşqçisi Yorgen Lennartsson mətbuat konfransında jurnalistlərin suallarını cavablandırıb:
– Sizləri görməyimə şadam. Səbrsizliklə sabahkı oyunu gözləyirik. Düşünürəm ki, hələ də cütün favoriti "Qarabağ"dır. Amma bizim də şansımız var. Meydana çıxıb öz oyunumuzu göstərəcəyik.
– İsveçdə müdafiə futbolu oynadız. Sabah yenə eyni "Höteborq" görəcəyik?
– Təbii ki, qol vurmağa çalışacağıq. Bu da "Qarabağ"da təzyiq yaradacaq. Əlbəttə, əsas işimiz müdafiə olacaq. Amma buna baxmayaraq qol vurmaq üçün də səy göstərəcəyik.
– İlk oyunda bəxtin sayəsində qalib gəldiz. 1:0 hesab sizin üçün nə dərəcədə avantajlıdır?
– Əlbəttə ki, 0:0-dan daha yaxşı nəticədir. İlk oyunda qapımızı toxunulmaz saxlamaqla çox önəmli iş gördük. Sabah biz 1 qol vursaq, "Qarabağ" 3 top vurmalıdır. Bu da bizim xeyrimizədir.
– Penaltlərə hazırlaşmısız?
– Bu haqda danışmışıq. Amma məşq etməmişik. Bunun üçün vaxtımız da olmayıb.
– Çox enerjilisiz. Təbiətiniz belədir, yoxsa ilk oyundakı nəticəyə görə beləsiz?
– Bu, işimizin bir hissəsisdir. Pozitiv görünüb futbolçularıma motivasiya verməliyəm.
– Sabah stadionda 31 000 azarkeş olacaq. Bu, sizə necə təsir edəcək?
– Stadionun tam dolu olmağını istəyirik. Bu bizi daha da həvəsləndirəcək.
– Ot örtüyü necədir?
– Düzdür, yaxşı deyil. Amma hər iki komanda eyni şərtlər altında oynayacaq.
– Sizin üçün "Viktoriya", yoxsa "Qarabağ" arzuolunan rəqib idi?
– Bu, komandaya görə dəyişir. Hər iki komanda fərqli taktikalarla oynayırlar. Bizim üçün bir fərqi yoxdur. "Qarabağ" "Viktoriya" ilə matçda çox üstün oynamışdı. 100 %-lik epizodları dəyərləndirə bilmədilər.
– "Qarabağ"ın üstünlüyü doğma meydandır. Bəs "Höteborq"un?
– İlk oyundakı nəticə bizim üstünlüyümüzdür. 1 qol da vursaq, rəqibdə əlavə təzyiq yaranacaq və bu, bizim işimizi asanlaşdıracaq. "Qarabağ" yaxşı komandadır, amma biz də sübut etdik ki, əzmkarlıqla da qələbə qazanmaq olar.
– Zədəli futbolçularınız var?
– Ötən oyunla müqayisədə heç bir dəyişiklik yoxdur.
– "Höteborq" İsveç futboluna çox xeyir verib, yoxsa İbrahimoviç?
– Bizim klub öz zonamıza çox xeyir verib. Amma ölkə olaraq, Zlatan bir nömrədir. O, Malmödəndir. Ölkəmizə çox xeyir verib.
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”