Premyer-liqa
"İnter"i biabırçı penalti ilə yıxdılar… – VİDEO
Rəşad Qasımov "İnter"in prezidenti postundan istefa ver?…
Rəşad Qasımov "İnter"in prezidenti postundan istefa verən kimi komandasının məğlubiyyətsiz oyunlar seriyası başa çatdı. Bakılıları yiyəsiz görən kimi haqqını yeməyə başladılar.
Paytaxt klubunda müvəqqəti prezident var, lakin o, bu postda çox qalmayacaq. Belə qarışıq vəziyyətdən istifadə edib böhranda olan "Neftçi"ni sevindirdilər.
Heç kim meydan sahiblərinin qələbəsinə kölgə sala bilməz – onsuz da matçın 61-ci dəqiqəsinə kimi "Neftçi" hesabda öndə idi, lakin penalti…
Belə cərimə zərbələrini vaxtilə Sadıq Sadıqovun flaqmana rəhbərlik etdiyi vaxtlarda təyin edər, komandanın çempionluqları sıralamasına kömək edirdilər. "Qarabağ"la məşhur oyunda olduğu kimi, yenə cərimə meydançası kənarımda olan epizodu hakim penalti kimi dəyərləndirib bu dəfə İnter"in haqqını yedi.
Matçın baş hakimi Rəvan Həmzəzadənin qonaqların qapısına təyin etdiyi biabırçı penalti epizodu zamanı top Zurab Xizanişvlinin əlinə dəymişdi. Amma bu epizod cərimə meydançasının bir metr kənarında reallaşmışdı. Hakim isə gözü önündə olan epizodu səhv dəyərləndirdi. Yəqin ki, gürcü oyunçunun topa toxunduqdan sonra sürüşüb cərimə meydançasına girməsi bu qərarda həlledici rol oynadı. Amma istənilən halda, ədalətsiz qərar idi və derbiyə təyinat alan hakim belə biabırçılığa yol verməməliydi.
Əminəm ki, hətta böhranda olduğu bir vaxtda da, "Neftçi" belə qola sevinməyəcək, "İnter"in narazı qalmağa isə tam haqqı var. Bəlkə AFFA Hakimlər Komitəsi "Qarabağ"la "Qəbələ"yə rəqib istəmədiyi üçün ilanı Seyid Əhməd əli ilə tutmağa çalışır? Mövsüm başlayanı hakimlərdən daim şikayət edən "İnter" rəhbərliyinin AFFA-dan hesabat istəyəcəyinə ümid edirik…