Premyer-liqa
Avrokubok təmsilçilərimiz səfərə çıxır
Topaz Premyer Liqasında 11-ci tur davam edir. Futbolinfo.az xəbər v…
Topaz Premyer Liqasında 11-ci tur davam edir. Futbolinfo.az xəbər verir ki, bu gün ölkəmizi Avropa Liqasında təmsil edən “Qarabağ”la “Qəbələ” növbəti oyunlarına çıxacaqlar.
14:00. AZAL – “Qəbələ”
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
Hakimlər: İnqilab Məmmədov, Vaqif Musayev, Rahil Ramazanov, Namiq Hüseynov.
Əlavə köməkçi hakimlər: Əliyar Ağayev, Fariz Yusifov.
AFFA nümayəndəsi: Nüvər Xasıyev.
Hakim-inspektor: Şaiq Həmidov.
“AZAL Arena” (3500 yerlik).
Cümə axşamı “Sent-Etyen”ə uduzmaqla Avropa Liqasında 1/16 finala yüksəlmək şansını itirən “Qəbələ” artıq bütün diqqətini Premyer Liqaya yönəldə bilər. Turnir cədvəlində lider olan “qırmızı-qaralar”ın bundan sonrakı əsas hədəfi məhz marafonun sonuna qədər zirvədəki yerini qorumaq olacaq. Bunun üçün əyalət komandasının yetərli potensialı da var.
AZAL-ın məqsədi isə Premyer Liqada yerini qorumaqdır. Lakin hələlik, “təyyarəçilər”in durumu ürəkaçan deyil. Komandanın sonuncu pillədə olması öz yerində, gələcəyə nikbin baxmaq üçün də əsas yoxdur. Paytaxt klubu yalnız AFFA-nın mərhəmətinə ümid edə bilər.
Təbii ki, bu oyunun aşkar favoriti “Qəbələ”dir. Roman Qriqorçukun rəhbərlik etdiyi kollektiv “zirzəmi”dəki rəqibini yenməkdə çətinlik çəkməməlidir. Necə ki, ilk dövrədə ciddi güc sərf etmədən AZAL-ı 3 cavabsız qolla məğlub etmişdilər.
“Qəbələ” lider olsa da, “Qarabağ”ın nəfəsini kürəyində hiss edir və əminliklə söyləmək olar ki, son 3 çempionatın qalibi olan Ağdam klubu qızıl medallar uğrunda sona qədər mübarizə aparacaq. Hazırda liderdən 2 xal geri qalan “köhlən atlar” rəqibinin büdrəməsini gözləyir.
STATİSTİKA: 27 oyun, +10=8-9, top fərqi 34-31
İLK DÖVRƏ: 0:3
OYUNDAN NOTLAR
- AZAL-ın heyətində Tural Hümbətov cəzalıdır. O, ötən tur 4-cü sarı vərəqəsini aldığı üçün bu həftə istirahət edəcək. Balansında 3 “sarı” olan Adan Koronado isə diqqətli davranmalıdır.
- “Qəbələ”nin düşərgəsində cəzalı olmasa da, 4 futbolçunun 3 sarı vərəqəsi var. Bunlar Ürfan Abbasov, Asif Məmmədov, Rafael Santos və Voyislav Stankoviçdir.
- Qonaq komandada Baqali Dabo zədəlidir. Meydan sahiblərinin heyətində isə ciddi zədədən əziyyət çəkən yoxdur.
REFERİ
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
İnqilab Məmmədov Premyer Liqa matçlarına mütəmadi təyinat alan referilərdən deyil. O, AZAL-la “Qəbələ”nin ilk dövrədəki duelində də baş hakim olub və “qırmızı-qaralar”ın 3:0 hesablı qələbəsinə şahidlik edib.
Məmmədovun idarə etdiyi digər 2 matçda “Sumqayıt” AZAL-la bərabərə qalıb (1:1), “Zirə” isə “Kəpəz”i üstələyib.
16:00. “Zirə” – “Qarabağ”
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
Hakimlər: Ramil Diniyev, Mehman Mahmudov, Vüsal Qənbərov, İsgəndər Əliyev.
Əlavə köməkçi hakimlər: Rəhim Həsənov, Ömər Paşayev.
AFFA nümayəndəsi: Arif Fərəcov.
Hakim-inspektor: Füzuli Nəcəfov.
Zirə İdman Kompleksinin stadionu (1300 yerlik).
“Qəbələ”dən fərqli olaraq, “Qarabağ”ın Avropa Liqasında işləri rəvan gedir. Ağdam klubu son turda səfərdə PAOK-u məğlub etməklə, 1/16 final yolunda ciddi addım atdı. Qurban Qurbanovun rəhbərlik etdiyi kollektiv Premyer Liqada liderin yaxasını buraxmamaqla yanaşı, qitə miqyaslı turnirdə də tarix yazmağı hədəfləyib.
Son 3 mövsümün qalibi olan “Qarabağ” üçün prioritet Avropa Liqası olsa da, ölkə çempionatı da böyük önəm daşıyır. Çünki ağdamlılar əsas hədəflərinə çatmaq – Çempionlar Liqasının qrupunda çıxış edən ilk Azərbaycan klubu olmaq üçün ilk növbədə Premyer Liqada qalib olmalıdırlar.
Elitada debüt mövsümündə Avropa Liqasına vəsiqə qazanan, lakin UEFA-nın qaydalarına əsasən yarışa qatıla bilməyən “Zirə” isə cari birincilikdə nisbətən zəif çıxış edir ki, bu da heyətin zəifləməsi ilə bağlıdır. Buna rəğmən, ilk dövrədə “Qarabağ”a 0:2 hesabı ilə uduzan qəsəbə təmsilçisi tilsimi qırmaq əzmindədir. Belə ki, Ağdam klubu indiyədək “Zirə”yə uduzmayıb. Üstəlik, meydan sahibləri son 4 matçda rəqibinə qol da vura bilməyib.
STATİSTİKA: 5 oyun, +0=1-4, top fərqi 1-10
İLK DÖVRƏ: 0:2
OYUNDAN NOTLAR
- Meydan sahiblərinin heyətində Təmkin Xəlilzadə cəzalıdır. Adil Nağıyevin aktivində isə 3 “sarı” var.
- “Qarabağ” düşərgəsində heç kim cəzalı deyil.
- Komandalardan heç birinin heyətində ciddi zədədən əziyyət çəkən yoxdur.
REFERİ
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
Ramil Diniyevin cari mövsümdə idarə etdiyi 4 oyundan yalnız 1-də meydan sahibləri qələbə qazanıb – “Kəpəz” evdə “Zirə”ni udub. Onun baş hakim olduğu “Neftçi” – “Zirə” duelində isə qonaqlar qələbə qazanıb (0:1).
Diniyev “Neftçi”nin “Qarabağ” və “Sumqayıt”la ev oyunlarını da idarə edib və həmin görüşlərdə qonaqlar 3 xal əldə edib (1:2 və 0:2).
FƏRİD
![blank](https://futbolinfo.az/wp-content/plugins/wp-fastest-cache-premium/pro/images/blank.gif)