Ölkə futbolu
Elxan Abdullayevlə “İnter” düyünü: “bankir” cavab verdi
Millinin Şimali İrlandiyada olduğu dönəmdə yığmanın &ldqu…
Millinin Şimali İrlandiyada olduğu dönəmdə yığmanın “İnter”dən olan futbolçularına Robert Prosineçki və Elxan Abdullayevin “Neftçi”yə keçmələri ilə bağlı yayılan söhbətlərə “ağ-qaralar”ın baş məşqçisi aydınlıq gətirmişdi. Lakin mütəxəssislə yanaşı, uzaq Britaniyaya səfər edən “bankirlər”in futbolçularına da tribuna vermək gərəkdi ki, tərəzinin gözü tən gəlsin.
Əlaqə saxladığımız Tərlan Quliyev Elxan Abdullayevin “futbolinfo”ya dediklərini təsdiq etməklə, məsələni qapatdı: “Öz adımdan danışa bilərəm. Bəlkə də hansısa futbolçuyla başqa cür danışıb. Bunu deyə bilmərəm. Bizə isə dedi ki, "Neftçi"nin qapıları üzünüzə hər zaman açıqdı. Biz də bildirdik ki, “İnter”ə məxsusuq. Rəsmi təklif göndərmək istəyirsə, klubla danışıqlar aparılmalıdı. Yəni, cidd-cəhdlə kimisə komandasına dəvət etməyib. Sadəcə, milli üzvü kimi klubda hansısa problemimiz çıxsa, “Neftçi”yə keçə biləcəyimizi dilə gətirdi.. Robert Prosineçki? (Gülür) Yox-yox, Prosineçki ilə ümumiyyətlə, bu mövzuda söhbətimiz olmayıb”.
Vəssəlam. Kələfin ucunadək gedib çıxdıq. Göründüyü kimi, bu mövzuda “od olmayan yerdə, tüstü çıxarmaq” sadəcə, cəhd imiş… əsassız cəhd.