Dünya futbolu
"Barsa" və "Borussiya" da 1/4 finalda!
UEFA Çempionlar Liqasında 1/8 final mərhələsinin cavab oyun…
UEFA Çempionlar Liqasında 1/8 final mərhələsinin cavab oyunları həyəcanı davam edir. Futbolinfo.az xəbər verir ki, bu gün 1/4 finala daha iki vəsiqənin sahibi müəyyənləşib.
Parisdə gözlənilmədən PSJ-yə (Fransa) 0:4 hesabı ilə uduzan İspaniyanın "Barselona" klubu bu məğlubiyyətin əvəzini doğma meydanda çıxmaq arzusunda idi. Lakin bu, heç də asan görünmürdü. Qarşılaşmanın ilk 50 dəqiqəsində ardıcıl 3 qola sevinən kataloniyalılar 62-ci dəqiqədə sarsıdıcı zərbə alıblar. Amma buraxılan qoldan sonra bir qədər ruhdan düşən "Barselona" yalnız matçın sonlarında ayılıb. Qısa vaxt ərzində rəqib qapısından daha üç top keçirən meydan sahibləri inanılmazı reallaşdıraraq, 1/4 finala çıxıblar.
Günün digər qarşılaşmasında isə Portuqaliyanın "Benfika" klubu doğma meydanda minimal hesabla məğlub etdiyi Dortmund "Borussiya"sının (Almaniya) qonağı olub. Almanlar bu görüşdə böyük hesabla qalib gələrək səfərdəki məğlubiyyətin əvəzini artıqlaması ilə çıxıblar və növbəti mərhələyə yüksəliblər.
UEFA Çempionlar Liqası
1/8 final mərhələsinin cavab oyunları
8 mart
“Barselona” – PSJ – 6:1
Qollar: L.Suares, 3 (1:0). L.Kurjava, 40-öz qapısına (2:0). L.Messi, 50-pen. (3:0). E.Kavani, 62 (3:1). Neymar, 88 (4:0). Neymar, 90+1 (5:1). S.Roberto, 90+5 (6:1).
İlk oyun – 0:4
“Borussiya” – “Benfika” – 4:0
Qollar: P.E.Obameyanq, 4 (1:0). K.Pulisiç, 59 (2:0). P.E.Obameyanq, 61 (3:0). P.E.Obameyanq, 85 (4:0).
İlk oyun – 0:1.