Ölkə futbolu
“Səbail” “Vətən”i “işğal etdi”: Təhsil Nazirliyi kimin üçün işləyir?
Gələn mövsüm Topaz Premyer Liqasında oynamaq ü&ccedi…
Gələn mövsüm Topaz Premyer Liqasında oynamaq üçün lisenziya almaq istəyən klublar ciddi iş görür. Xüsusilə I divizion klubları bu baxımdan fəaldı. Elita təmsilçilərinin bu baxımdan problemi yoxdusa, “birincilər” məhz indi çatışmazlıqları aradan qaldırır.
Divizionda oynamaq üçün uşaq liqalarının ən azı birində iştirak edən komandan olmalıdısa, Premyer Liqada tələblər daha sərtdi. Belə ki, elita təmsilçilərinin bütün liqalarda çıxış edəcək qədər uşaq komandası olmalıdı.
Bu vacib lisenziya tələbini yerinə yetirmək çətin olduğundan divizion klubları başqa yollara əl atır. Ötən illərdə “Kəpəz”in, “Zirə”nin etdiyi kimi, indi də “Səbail” yeni komandalar formalaşdırmaqdansa, seleksiya aparıb, uşaq seçməkdənsə, hazır komandaları “özəlləşdirir”. Kadrlarla bağlı lisenziya tələbini ödəmək üçün Bakı klubu “Vətən” cəmiyyəti ilə müqavilə bağlayıb. Növbəti mövsümdən “Vətən”in bütün yaş qrupundan olan komandaları “Səbail” adı altında çıxış edəcək.
Təbii ki, bu cür müqavilələr gözdən pərdə asmaq üçündü. Həmin komandaları “Vətən” cəmiyyəti formalaşdırıbsa, o zaman “Səbail”in futbol təsərrüfatımıza nə xeyri var? Elə buradan görünür ki, bütün liqalarda komandanın olması ilə bağlı lisenziya tələbi sabun köpüyüdü. Həmin uşaqlar”Vətən” cəmiyyətinin tabe olduğu Təhsil Nazirliyinin büdcəsi hesabına yaradılıbsa, nəyə görə “Səbail”ə hədiyyə verilməlidi? Və ya “Vətən” dövlətin pulunu dağıdıb niyə yenidən uşaq qrupları yaratmalıdı? Olmazdımı elə bu uşaqların sonadək düzgün inkişafına, peşəkar futbola kimi yüksəlmələrinə dəstək olsunlar?
Təbii ki, hansısa qanun pozuntusu yoxdu, sənəd-sübutla hər şey qaydasındadı. Lakin hamıya aydındı ki, bu, gözdənpərdə asmaq cəhdidi və heç kimi futbolun həqiqətən inkişafı maraqlandırmır, hamı say düzəltməyə hesablanmış addımlar atır. “Səbail” də bu yolla gedir – ölkə futboluna yeni isimlər qazandırmaqdansa, hazır komandaları icarəyə götürməyi lazım bilir.
Mənim üçün maraqlı olan başqa məsələdi. Görəsən, sabah bu kollektivlərin saxlanılması necə tənzimlənəcək? “Səbail”dən maaş və mükafatlar alacaq oyunçuları “Vətən” başqa turnirlərdə istifadə edib, onlar üçün Təhsil Nazirliyindən budcə istəməyəcək ki? Axı, müxtəlif klublarımızla anlaşan UGİM-lərin belə təcrübəsi var.
FƏRİD