“Zirə” “Astra”ya ilk oyunda uduzdu

“Zirə” bu gün növbəti avrokubok sınağına çıxıb. Futbolinfo.az xəbər verir ki, Ayxan Abbasovun yetirmələri Avropa Liqasının 2-ci təsnifat mərhələsində ilk matçını keçirib.

Qəsəbə klubu çətin səfər oyununda “Astra”nın qonağı olub. Rumıniya klubu ilə görüş zirəlilərin mövsümdə 3-cü qarşılaşması idi.

1-ci təsnifat mərhələsində “Duferdanj”ı hər iki matçda məğlub edən (2:0, 2:1) paytaxt futbolçuları seriyanı davam etdirməyə iddialıydı. Rəqibin heyətdə ciddi islahatlar aparması da komandamızın lehinə idi.

Lakin təəssüf ki, qəsəbə təmsilçisi Rumıniyadakı qarşılaşmada istədiyi oyunu sərgiləyə bilməyib. Görüş Azərbaycan klubunun məğlubiyyəti ilə başa çatıb. Zirəlilər bir həftə sonra bu rəqibi doğma meydanda qəbul edəcək. Lakin mərhələ adlamaq heç də asan olmayacaq.

Avropa Liqası
2-ci təsnifat mərhələsinin ilk oyunu
13 iyul

“Astra” – “Zirə” 3:1
Qol: A.İonitsa, 31. A.Dandya, 55. A.Le Tallek, 74 – R.Sadiqov, 34. 
Sarı vərəqə: A.İonitsa, 36. A.Şemonayev, 53. J.Bum, 63.
Hakimlər: Sergey Sinkeviç, Yevgeni Romanov, Vitali Malyutsin, Viktor Şimusik (hamısı Belarus).
UEFA nümayəndəsi: İvan Borissov Lekov (Bolqarıstan).
Hakim-inspektor: İrji Ulrix (Çexiya).
Curcu. Marin Anastasoviçi stadionu.

Astra: 23. Plamen İliev, 4. Markinyos Karioka, 6. Florin Bejan, 7. Klaudio Belu-İordake, 10. Aleksandru İonitsa, 17. Viorel Nikoare (96. Silviu Balaure, 78), 21. Eriko, 24. Filip Mrzlyak, 30. Aleksandru Dandya (20. Robert Vılçanu, 63), 77. Aleksandru Stan (k), 92. Boqdan Kipirliu (9. Antoni Le Tallek, 46).
Ehtiyat oyunçular: 33. İonuts Boşnyaq, 25. Petr Polçak, 71. Andrey Pitsian, 95. Romario Moyse.
Baş məşqçi: Edvard Yordanesku.
Zirə: 1. Anar Nəzirov, 3. Jozef Bum, 4. Vüqar Mustafayev, 6. Rəşad Sadiqov (11. Viktor İqbekoyi, 77), 7. Orxan Əliyev (43. Riçard Qadze, 65), 8. Milan Djuriç, 9. David Manqa, 10. Kerven Belfor, 13. Aleksandr Şemonayev (28. Təmkin Xəlilzadə, 56), 14. Qabriel Matei, 23. Yovan Krneta.
Ehtiyat oyunçular: 85. Kamal Bayramov, 5. Adil Nağıyev, 39. Sadiq Quliyev, 99. Nicat Qurbanov.
Baş məşqçi: Ayxan Abbasov.