Ölkə futbolu
İlk turdan sonra – “Qarabağ” zirvədə, “Neftçi” sonuncu pillədə
Bəlkə də qiymət vermək üçün tezdi. Amma Topaz Pr…
Bəlkə də qiymət vermək üçün tezdi. Amma Topaz Premyer Liqasının elə ilk turu yeni mövsüm haqda ilkin təəssüratları bölüşməyə imkan verir.
Ümumiyyətlə, məhsuldar keçən açılış turunda bütün komandalar qol hesabını açdı: oyunlardan üçü 2:1, biri 3:1 qurtardı. Cümə və şənbə günləri qonaqlar sevindisə, həftəni ev sahibləri 3 xalla bitirdi. Avtoqol, qol olan və qaçırılan penalti, ağır zədə – hər şey var idi.
Tura Azərbaycan derbisi ilə start verildi. Və sonradan bəlli olacaqdı ki, bu matçın nəticəsi həm də turnir cədvəlində liderlə aşkar autsayderi müəyyənləşdirəcək. “Qarabağ” yeni mövsümə də çempion kimi başladı və “Neftçi”ni ardıcıl 3 qolla məyus etdi. Ağdamlılar yarıəvəzedici heyətlə o qədər parlaq oynadı ki, yeni mövsümün favoritini də başqa yerdə axtarmağa lüzum qalmadı.
“Neftçi” ilk turda qol vurmayan yeganə komanda oldu. Düzdü, bakılıların hesabında top var, amma onu da rəqib öz qapısından keçirib. Lakin Rahid Əmirquliyevin avtoqolu da bakılıları ilk turdan sonuncu piləyə qovuşmaqdan xilas etmədi.
Son mövsümün 2 mükafatçısının oyunu gümüş medalçının qələbəsi ilə bitsə də, oyun zövq vermədi. “Qəbələ” 2 qol vurduqdan sonra sanki arxayınladı və ritmi itirdi. Fürsətdən istifadə edən “İnter” hətta hesabı bərabələşdirə də bilərdi. Yarımcan bakılıların gücü təsəlli qoluna çatsa da, komandalar arasında ciddi fərq hiss olunmadı. Halbuki “Qəbələ” heyəti tamamilə yeniləyib, rəqibi isə meydana çıxarmağa futbolçu tapmır.
“Səbail” Premyer Liqada debütündə oyunçuları topa toxynmadan qola üzülə bilərdi. “Zirə” oyuna başlayan kimi elə kəsərli hücum etdi ki, yalnız Emil Balayevin sayəsində çempionatlar tariximizin ən erkən qolu vurulmadı. Bununla belə, “qartallar” istəyinə çox tez çatdı. Hesab açılandan sonra penaltini boşa verən Qadze səhvini növbəti epizodda düzəltdi. Legioner qapıçının hədiyyə ötürməsini qolla bitirdi.
İlk dəqiqələrdə “Səbail”in müdafiəsi biabırçı səhvlərə səhnə idi, hiss olunurdu ki, komanda hələ tam formalaşmayıb. Az qala istənilən hücumun qolla nəticələnmə ehtimalı var idi. Yaxşı ki, “Zirə” tez arxayınlaşdı, yoxsa Samir Əliyevin yetirmələri biabırçı debütlə yadda qalacaqdı. Bayıl təmsilçisi zaman keçdikcə qismən özünə gəldi, təsəlli qolunu vurdu, lakin bundan artığını bacarmadı. Meydan sahibləri isə oyunda diqtə edən tərəf kimi matçı elə 2:1 hesablı qələbəylə başa vura bildi.
Günün son matçında üz-üzə gələn “Sumqayıt”la “Kəpəz” də ümumi gedişatı pozmadı. Paytaxtdan kənarda keçirilən yeganə oyun baxımlı alındı, amma nəticəyə yalnız bir tərəf – layiq olan sevindi.
CAVAD
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”