Ölkə futbolu
UEFA Maksim Medvedevlə bağlı qərarını açıqladı
UEFA Danimarkanın "Kopenhagen" klubunun Çempionlar L…
UEFA Danimarkanın "Kopenhagen" klubunun Çempionlar Liqasının pley-off mərhələsi çərçivəsində Azərbaycan çempionu "Qarabağ"a qarşı Bakıda keçirdiyi və 0:1 hesabı ilə uduzduğu ilk oyunla əlaqədar şikayət məktubuna cavab verib.
Futbolinfo.az xəbər verir ki, bu barədə Danimarka klubunun rəsmi saytı məlumat yayıb. Məlumatda bildirilir ki, qitə futbol qurumu "Kopenhagen"in "Qarabağ"ın kapitanı Maksim Medvedevin görüşün 20-ci dəqiqəsində top uğrunda mübarizə zamanı Pyer Benqtssonu qəsdən vurması ilə bağlı iddialarını əsassız sayıb. Belə ki, müdafiəçinin rəqibinə dirsək zərbəsi vurduğunu düşünən kopenhagenlilərin müraciətinə “yox” cavabı verilib.
Avropa futbol qurumu qərardan apellyasiyanın qeyri-mümkünlüyünü də diqqətə çatdırıb. Bu isə o deməkdi ki, Medvedev avqustun 23-də "Parken" stadionunda keçiriləcək cavab görüşündə də meydana çıxa biləcək.
Qeyd edək ki, "Kopenhagen" Bakıdakı görüşdə Medvedevin Benqtssonun sifətinə qəsdən zərbə endirdiyini iddia edərək, onun cəzalandırılmasını istəyirdi. Bu komandalar arasındakı cavab matçı avqustun 23-də Danimarka paytaxtında keçiriləcək.