Ölkə futbolu
Tərlan Əhmədov özü üçün büdcə hazırlayır – "Qara siyahı" bəllidi
“İnter” üzərində qələbə Tərlan Əhmədovu vəc…
“İnter” üzərində qələbə Tərlan Əhmədovu vəcdə gətirib. “Neftçi”nin baş məşqçisi komandanın nisbətən yaxşı oynamağa başlamasından istifadə etmək niyyətindədi. Mövsümdə qazanılan ilk qələbədən sonra islahatlara başlayan mütəxəssis qış hazırlığı görür.
Klubda büdcə sıxıntısı var, klub rəhbərliyi ehtiyatda maliyyə saxlamayıb. Büdcə tamamilə xərclənib və ya müqavilə öhdəliklərinə hesablanıb. Əhmədov isə qışda sevimli futbolçularını heyətə qatmaq, özüylə gətirdiyi Rəşad Sadiqovun maaşını artırmaq, eləcə də bəzi legioner transferləri etməlidi. Və Tərlan bəy özü üçün büdcə düzəltmək naminə heyətdəki digər oyunçuları cəzalandırmaq niyyətindədi.
Maksim Vaylo, Mateo Mujek, Pavel Dreksa, Rahil Məmmədov, Tərzin Cahangirov, Daniel Seqoviya, Elnur Cəfərov kimi futbolçular Tərlan bəyin “qara siyahı”sına düşüb. Əhmədov rəhbərlikdən ya onlarla qarşılıqlı razılıq əsasında vidalaşılmasını, ya da maaşlarının əhəmiyyətli dərəcədə azaldılmasını istəyir. Aylıq 12500 dollar alan Seqoviya, buna yaxın məbləği qatlayan Dreksa, 4-6 min manat aralığında maaşa ehtiyatda oturan Vaylo, Cahangirov, Məmmədov və Cəfərov, Elxan Abdullayevin şəxsən gətirdiyi 5 min dollarlıq Mujek komandaya heç bir xeyir vermir. Və bu faydasızlar büdcənin 10-12 faizini havaya sovurur.
Əhmədov indi bu oyunçuların hansısa yolla göndərilməsini istəyir ki, arzuladığı transferləri reallaşdırsın. Səlahət Ağayev də baş məşqçinin yanında görmək istəmədiyi futbolçulardandı. Hazırda zədəli olan qapıçının əvəzinə Tərlan bəy legioner dəvət etmək niyyətindədi.
Ruslan Abışov, Rəhman Hacıyev, Namiq Ələsgərov kimi aparıcı yerli oyunçuların yüksək məvacib alması da Əhmədovun ürəyincə deyil. Baş məşqçi bu oyunçuların da maaşlarının müəyyən qədər azaldılmasını tələb edir. O, rəhbərliyin klubdan yüzminlər qazanan dost-tanışlarının ixtisara salınması, bununla da büdcəyə qənaət edilməsini də arzulayır. Təsisçilərlə birbaşa əlaqəsi olan çalışdırıcı rəhbərliyə xəbərdarlıq edib ki, bu məsələ həllini tapmasa, şikayət edəcək.
CAVAD
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”