Ölkə futbolu
Faciə davam edir: 12 oyuna 10 məğlubiyyət
Milli komandalarımız AFFA-nın fəaliyyətsizliyini sübut etmə…
Milli komandalarımız AFFA-nın fəaliyyətsizliyini sübut etməkdə israrlıdı. Daha 2 yığmamız məğlubiyyətləri sıralamaqla yarım ay ərzində hansı biabırçı vəziyyətdə olduğumuzu sərgilədi.
Dünənə kimi son 2 həftədə milli komandalarımız 10 oyun keçirib, bunlardan 8-də uduzmuşdu. İndi isə vəziyyət daha da pisləşib.
17 yaşlılarımız Avropa çempionatının ilkin seçmə mərhələsində birinci oyununda biabırçı məğlubiyyət aldı. Bolqarıstanın Qorna Oreçovitsa şəhərində Mirbağır İsayevin yetirmələri İrlandiyadan 6 cavabsız qol buraxdı. 19 yaşadək futbolçular isə qitə birinciliyində son matçında da qələbəyə həsrət qaldı. Avstriyada ikihəftəlik toplanışın “nəticəsi olaraq”, futbolçularımız Kiprlə də bacarmadı. Təbriz Həsənovun yetirmələri 1:2 hesabıyla uduzub və qrup sonuncusu olub.
Beləliklə, sabaha olan ümidlərimiz də dəfn olunur. Çünki aşağı yaş qrupundan olan millilərimiz də məğlubiyyətləri sınayır. Bu isə o deməkdi ki, gələcək qaranlıqdı. İndiki AFFA rəhbərliyi isə 10 ildi milyonları havaya sovurur, ölkə futbolunda inkişafdan dəm vurur.
A milli komandası
Çexiya 1:2, Almaniya 1:5
U-21
Almaniya 1:6
U-19
İrlandiya 0:0, Serbiya 1:4, Kipr 1:2
U-17
İrlandiya 0:6
U-17 (qızlar)
İslandiya 0:2, İspaniya 0:3, Monteneqro 1:1
U-16
Gürcustan 1:5, Gürcustan 1:2
12 oyunda qələbəsiz qalan futbolçularımız 10 məğlubiyyət qarşısında 2 heç-heçəyə nail olub, 8 top vuraraq, 38-ni buraxıblar. 12 oyunda 6 böyükhesablı məğlubiyyət AFFA rəhbərliyinin gördüyü işin mənzərəsidi. 10 ilin hakimiyyətinin, maliyyə bolluğunun yekunu belə olmamalıydı.
AĞA
- Premyer-liqa2024-05-11 18:55
“Araz-Naxçıvan” “Turan Tovuz”a uduzdu
- Ölkə futbolu2024-05-12 10:36
Mahir Xorvatiya çempionu oldu
- Premyer-liqa2024-05-11 09:00
“Araz-Naxçıvan” “Turan Tovuz”a, “Zirə” “Qarabağ”a qarşı
- Ölkə futbolu2024-05-12 08:45
Elxan Məmmədov – Mərdəkandan Kürdəxanıya yollanmaq üçün səbəb var