Ölkə futbolu
AFFA-dan 3 komandaya texniki məğlubiyyət, hakimi söyənlərə 4 oyunluq cəza
Bu gün AFFA İntizam Komitəsinin növbəti iclası keç…
Bu gün AFFA İntizam Komitəsinin növbəti iclası keçirilib.
Futbolinfo.az xəbər verir ki, aparılan müzakirələrdən sonra AFFA-nın bayrağı altında keçirilən müxtəlif çempionatlarla bağlı aşağıdakı qərarlar çıxarılıb:
Regional Liqasının “Göyəzən” – “Şəmkir” matçının 83-cü dəqiqəsində “Göyəzən”in futbolçusu Eldar Şıxməmmədov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 3 oyun cəzalanıb. Oyunun 83-cü dəqiqəsində “Şəmkir”in futbolçusu Cavid Qasımovun aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 3 oyun cəzalanıb.
Regional Liqasının “Ümid” (Masallı) – “Dinamo” (Yardımlı) matçının 90+1-ci dəqiqəsində “Ümid”in futbolçusu Azər Hacıyev rəqibi təhqir etdiyinə görə meydandan kənarlaşdırıldığı üçün 3 oyun cəzalanıb.
U-16 Liqasının “Zirə” – “Qəbələ” matçının 78-ci dəqiqəsində “Zirə”nin futbolçusu Rüstəm Rüstəmov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.
U-16 Liqasının “Sumqayıt” – “Kəpəz” matçının 80+2-ci dəqiqəsində “Kəpəz”in futbolçusu Nemət Musayev hakimi təhqir etdiyinə görə meydandan kənarlaşdırıldığı üçün 4 oyun cəzalanıb. Oyunun 80+3-cü dəqiqəsində “Sumqayıt”ın futbolçusu Şahmar Abbaszadə hakimi təhqir etdiyinə görə meydandan kənarlaşdırıldığı üçün 4 oyun cəzalanıb.
U-15 Liqasının “Turan” (Tovuz) – “Zaqatala” matçının 61-ci dəqiqəsində “Turan”ın futbolçusu Elcan Şirinov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-14 Liqasının “UGİM-1” – “Şirvanovka” matçının 59-cu dəqiqəsində “UGİM-1”-in futbolçusu Nihat Quliyev sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.
U-16 Qızlar Liqasının "Fidan" – "Mingəçevir" matçında "Fidan"ın heyətində yetərsay olmamasına görə kluba 0:3 hesablı texniki məğlubiyyət verilib.
U-13 Qızlar Liqasının İsmayıllı regionu üzrə keçirilən "Mil-Muğan" – "Azəri" TİM matçında "Mil-Muğan"ın heyətində yaş limitinin pozulması faktı aşkarlanıb. Buna görə sözügedən kluba 0:3 hesablı texniki məğlubiyyət verilib.
U-13 Qızlar Liqasının İsmayıllı regionu üzrə keçirilən "Gənclik" F.T. Gimnaziya – "Mingəçevir" matçında "Gənclik" komandasının baş məşqçisi Novil İsmayılov hakimi təhqir etdiyinə görə 4 oyun cəzalanıb.
U-16 Qızlar Liqasının "Qubek" (Balakən) – "Təhsil" FM matçının 19-cu dəqiqəsində “Təhsil”in futbolçusu Nigar Rzayev aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb. Oyunun 19-cu dəqiqəsində “Qubek”in futbolçusu Eliza Həsənova aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb.
U-16 Qızlar Liqasının "Qubek" – “Keşlə” matçında “Qubek” komandası iştirak etmədiyinə görə kluba 0:3 hesablı texniki məğlubiyyət verilib.