Müsahibə
Viktor İqbekoyi: “Qəbələ”yə yenə qalib gələcəyik”
“Zirə”nin futbolçusu Viktor İqbekoyi Topaz Premye…
“Zirə”nin futbolçusu Viktor İqbekoyi Topaz Premyer Liqasının növbəti turu çərçivəsində qarşılaşacaqları “Qəbələ” ilə oyun öncəsi Futbolinfo.az saytının suallarını cavablandırıb. O, öncə “Kəpəz”ə qarşı keçirdikləri son oyunla bağlı fikirlərini bölüşüb:
– "Kəpəz"lə matçda da qələbə qazana bilmədiniz…
– Başqa söz deməyə ehtiyac yoxdu. Gəncə kimi çətin səfərə getdik və xal qazandıq. Düzdü, hər zaman qələbə istəyirik, amma futbol belədi. İstənilən halda bir xal qazanmağımız da uğurdu.
– Amma görünən odu ki, komandada vəziyyət ürəkaçan deyil…
– Hər şey qaydasındadı. Vəziyyət də normaldı. Futbol bəzən öz çətinliyini göstərir. Sona kimi mübarizə aparmaq lazımdı. Vəziyyəti dəyişmək üçün çalışmalısan.
– Qış fasiləsindən sonra qələbə üzünə həsrətsiniz. Bu isə vəziyyətin yaxşı olması demək deyil…
– Bəli, biz bilirik və başa düşürük ki, belə olmamalıdı. Futbolda bəzən şans səndən üz döndərir və sonra normal vəziyyətinə qayıdır. Bizim hələ qarşıda 7 oyunumuz var. Düşünürəm ki, bundan da aşağı getməyəcəyik.
– Avropa Liqasına getməmək təhlükəsini hiss edirsiniz?
– Qorxmaq üçün səbəb yoxdu. İndi Avropa Liqası haqqında danışmaq tezdi. Çünki mövsümün sonuna bir xeyli oyun var. Sonda hər şeyin necə olacağını görəcəksiniz.
– Qələbəsizlik seriyasını "Qəbələ" ilə oyunda qırmağa çalışmalısınız. Sizcə, alınacaq?
– Biz hər zaman rəqiblərə hörmətlə yanaşırıq. Qalib gəlmək üçün mübarizə aparacağıq və doğma meydanda oynayacağıq. Əvəllər biz onları məğlub etmişik və yenidən üz-üzə gələcəyik. Bazar gününü gözləyin və biz qalib gələcəyik.
– "Qəbələ" də son zamanlar yaxşı çıxış etmir. Bu sizə əlavə motivasiya verir?
– Başqa komandanın vəziyyəti barədə düşünmürük. Çünki bu oyuna çox ciddi şəkildə hazırlaşırıq. Sona kimi oynamaq lazımdı.
– Bir neçə gün öncə sizin "Zirə"dən gedəcəyinizlə bağlı xəbərlərə rast gəldik. Doğrudurmu?
– Bilmirəm ki, nə deyim. "Zirə"dən ayrılmaq barədə heç vaxt düşünməmişəm və danışmamışam. Mən bu komandadayam və mövsüm davam edir. Mənim bütün fikirlərim "Zirə" ilə bağlıdı. Gələcək öz sözünü deyəcək. Mövsümün sonunda müqaviləm başa çatır.
FƏRİD
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 19:32
Rövşən Nəcəf: “Premyer Liqada iştirak edəcək klubların sayında artım olmayacaq”
- Ölkə futbolu2024-05-14 08:00
İcraiyyə Komitəsinin gözlənilən qərarları