Dünya futbolu
Vida matçında 2 qol vurdu, 2 penalti dəf etdi
Futbol üzrə Almaniya yığmasının və Dortmund “Borussiy…
Futbol üzrə Almaniya yığmasının və Dortmund “Borussiya”sının qapıçısı Roman Vaydenfeller karyerasını başa vurub.
Futbolinfo.az xəbər verir ki, 38 yaşlı qolkiper üçün ötən gün vida matçı da təşkil olunub.
“Siqnal İduna Park” stadionunda keçirilən oyunda “Borussiya”nın ulduzları” ilə “Vaydenfellerin dostları” komandaları qarşılaşıb.
“Borussiya”nın ulduzları komandasının heyətində Neven Suboti̇ç, Torsten Fri̇nqs, Yan Koller, Aleksander Fray, Yens Lemann, Marsi̇o Amorozo kimi sabiq ulduzlar meydana çıxıb. Bu komandanı meydana Yurgen Klopp baş məşqçi kimi çıxarıb.
“Vaydenfellerin dostları”nda isə Per Mertezaker, Kri̇stof Kramer, Li̇nkoln, Lukas Podolski̇, Mi̇xael Ballak, Kri̇stof Metselder kimi futbolçular yer alıb. Komandaya Peter Ştöger baş məşqçilik edib.
70 109 azarkeşin izlədiyi qarşılaşma 4:1 hesabıyla “Borussiya”lı ulduzların xeyrinə başa çatıb. Vaydenfeller bu oyunda iki qola imza atıb, eyni zamanda iki penalti dəf edib.
Qeyd edək ki, Roman “Kayzerslautern” klubunun yetirməsidi. O, doğma klubunda cəmi 6 rəsmi oyun keçirib və 2002-ci ildə “Borussiya”ya transfer olunub. Vaydenfeller 16 il ərzində Dortmund klubunun heyətində təxminən 350 oyun keçirib.
Vaydenfeller 2 dəfə Almaniya çempionu olub, eyni sayda ölkə kubokunda və Superkubokda uğura sevinib.
Bu yay karyerasını başa vurmağa qərar verən futbolçu bir ara Almaniya yığmasında da çıxış edib və millidə 5 oyunda qapıda durub.
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 19:32
Rövşən Nəcəf: “Premyer Liqada iştirak edəcək klubların sayında artım olmayacaq”
- Milli komanda2024-05-12 15:31
Millimiz iki yoldaşlıq görüşü keçirəcək