Layihə
GÜNÜN SUALI: İlk olaraq kim gedəcək?
Topaz Premyer Liqasında daha bir tur geridə qaldı. Autsayderlərin …
Topaz Premyer Liqasında daha bir tur geridə qaldı. Autsayderlərin duelində qalib gələn son pilləni rəqibinə verdi, zirvə mübarizəsində hər iki favorit büdrədi.
Düzdü, “Neftçi” meydanda, “Qarabağ” protokol otağında uduzdu. İstənilən halda, reallıqdı, başabaş mübarizə davam edir. Bəlkə də “Səbail” 2 texniki qələbəyə sevinməsəydi, indi “dənizçilər”dəki məşqçi dəyişikliyindən danışırdıq. Çünki legionerlərə çəkilən xərcin, ayrılan büdcənin qarşılığında “Səbail”in özünün topladığı 7 xal heç nədi.
Necə ki, “Zirə”nin baş məşqçisi Samir Abasov dünən “Keşlə”ylə oyundan sonra “kimlərsə texniki qələbə hesabına qalib gəlir” deməklə Aftandil Hacıyevə atmaca atıb, ona özünün də bu üsulla uduzmasından qəzəbini ifadə edib. Prinsipcə, düz deyir, amma reallıq heç nəyi dəyişmir – daha bir neçə uğursuz oyundan sonra Samirin də istefası gündəmə gələ bilər. Çünki “Keşlə” ilə matçdan sonra azsaylı “Zirə” azarkeşləri onu istefaya səslədi.
Amma elə Samirin sələfi Ayxan Abbasovdan sonra ilk olaraq hansı komandanın məşqçisini yola salacağını bilmək olmaz. Bəlkə relsdən çıxan “Sumqayıt”, həmin “Zirə”, “Səbail”, ən zəif görünən “Keşlə” məşqçisini yola salacaq? Qəbələdəki fiaskodan ayılmasa, Roberto Bordin də postunu itirə bilər. İlk olaraq kim? Gün ərzində bu suala cavab axtaracağıq.