Dünya futbolu
Hacı-Məhərrəmovu qorumaq naminə…
Elxan Məmmədovun idarəetmə üsulu belədir. Kim ki, ona qul ol…
Elxan Məmmədovun idarəetmə üsulu belədir. Kim ki, ona qul olmaq istəmir və ya bir müddətdən sonra doğrunu yanlışdan ayırmağı bacarıb haqq yoluna dönür, aqibəti eyni olur. İslam Abbasov kimi…
Mikayıl Nərimanoğlu nümunəsi var. “Kəpəz”də fırıldağının üstü açılana kimi kral idi, baş katib hamıdan çox ona inanırdı, şərikləşib dolanırdılar. Elə ki, Nərimanoğlu ilişdi, maliyyə yeyintisinə görə ifşa olundu, dərhal qovuldu. Məmmədov onu satmadığı üçün bu adamı heç nə olmamış kimi aradan çıxardı, bugünədək də haqqında bir kəlmə kəsməyib, Gəncə klubundakı audit yoxlamasının nəticələri ictimaiyyətə açıqlanmayıb.
Elxan Əsədovdan Elnur Məmmədova kimi çox adamın adını çəkə bilərik. Baş katibin sayəsində karyeralarında müəyyən səviyyəyə çatıblar, amma onun qanunsuz, çirkli göstərişinə boyun əyməyincə vurulublar. Belələri çox olub, indi fatihəsi oxunanlar da var, bundan sonra da olacaq.
İslam Abbasov dünənə kimi Məmmədovun ən sevimli kadrlarından idi. İş o yerə çatmışdı ki, millinin inzibatçısı ola-ola gah “Neftçi”yə vəzifəyə göndərilirdi, gah “Kəpəz”in Müşahidə Şurasına sədr. Və bir andaca onun da kitabı bağlandı. Hansısa göstərişə əməl etmədi və vuruldu. İndi isə əvvəl vurulan kadrlar kimi, onun haqda da rəvayətlər uydurulur, ləkələnməsinə çalışılır.
Abbasovu bizə tanıtmayın, necə biri olduğunu, nə hoqqalardan çıxdığını, hansı fəaliyyətlə məşğul olduğunu eşitmişik. Lakin onun haqda başqa informasiyalar məhz bu gün sızdırılırsa, deməli, məqsədlidi. Ya həqiqətən “zibil”I var, ya da iz azdırılır.
Günahı varsa, yeyinti edibsə, onu işdən çıxarmaq azdı, haqqında ölçü götürülməsi üçün hüquq-mühafizə orqanlarına müraciət etmək gərəkdi. Ən azından mətbuata onun əməllərini ifşa edəcək konkret faktlar çıxarılmalıdı, ortaya sübut qoyulmalıdı. Bu edilmirsə, deməli, hər şey Zaur Hacı-Məhərrəmovun günahlarını unutdurmaq üçündü.
Millinin yeni inzibatçısı son oyunlarda 2 kobud səhv edib. Öncə millinin formalarında loqonu unudub, UEFA tələblərini ayaqlayıb, daha sonra Emin Mahmudovun soyadını formasında təhrif edib. Və bu biabırçılıqlarda Məmmədovun əlaltısı əsas günahkardı. Onu hədəfdən yayındırmaq üçün sələfi ortaya atılıb.
Məmmədov zaman-zaman hətta AFFA prezidentinə qarşı da oxşar addımlar atıb. Özünü kölgəyə çəkib, rəhbərini hədəfə gətirib, tənqid olunmasına şərait yaradıb. Və bu aqibətdən onunla birgə işləyən heç kim sığortalanmayıb. Zamanı gəlincə indi qalxan kimi istifadə etdiyi Vaqif Sadıqov, Rauf Əliyev, İsgəndər Cavadov və başqaları da öz nəsibini alacaq. Məmmədov dürüst, səmimi biri deyil, özünü qorumaq üçün hamını, hətta dostlarını, rəhbərlərini, himayədarlarını da ayaq altına ata bilər.
CAVAD
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 19:32
Rövşən Nəcəf: “Premyer Liqada iştirak edəcək klubların sayında artım olmayacaq”
- Ölkə futbolu2024-05-14 08:00
İcraiyyə Komitəsinin gözlənilən qərarları