Ölkə futbolu
Elşad Əhmədov: “Hələ onun haqqında qərar verməmişik”
“Sabah”ın baş məşqçisi Elşad Əhmədov yığma…
“Sabah”ın baş məşqçisi Elşad Əhmədov yığmaların oyunlarına görə yaranmış fasilədən necə istifadə etdiklərini söyləyib.
Futbolinfo.az xəbər verir ki, o, sport7.az-a açıqlamasında fasilə müddətində gördükləri işi dəyərləndirib: "Fasilə bizim üçün normal keçdi. Məşqlərimizi davam etdirdik. Milliyə komandamızdan yalnız Təmkin Xəlilzadə getmişdi. 3 günlük istirahətdən sonra gündə iki dəfə olmaqla məşqlərə başladıq. Məşqlərimiz plan üzrə getdi. Regional Liqada çıxış edən "Bakı FC" ilə oynadıq, hesab 1:1 oldu. Cavan futbolçular yoxladıq. Demək olar normal keçdi".
Əhmədov yoldaşlıq görüşünü məhz Region Liqasında iştirak edən komanda ilə keçirmələrinin səbəbini də dedi: "Daha güclü rəqiblər də vardı. Amma bu klubdan təklif gəldi, biz də razılıq verdik. Maraqlı komandadı, demək olar futbolçuların hamısının Premyer Liqa təcrübəsi var. Fasilədən səmərəli şəkildə yararlana bildik. İnanıram ki, bizim üçün xeyirli olacaq".
Bir müddət öncə komandaya baxış üçün qanalı futbolçu dəvət olunmuşdu. Maraqlıdı Elşad bəy onun haqqında hansı qərarı verdi?: "Hələ baxışdadı, haqqında qərar verməmişik. Başqa baxışda olan futbolçu yoxdu".
Mütəxəssis itkilərlə bağlı bunları söylədi: "Əhval-ruhiyyə qaydasındadı. Yalnız Elşən Abdullayev zədəlidi".
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 19:32
Rövşən Nəcəf: “Premyer Liqada iştirak edəcək klubların sayında artım olmayacaq”
- Ölkə futbolu2024-05-14 08:00
İcraiyyə Komitəsinin gözlənilən qərarları