Ölkə futbolu
“Qarabağ” fərqi
Futbolun necə böyük qüvvə olduğunu bir daha gör…
Futbolun necə böyük qüvvə olduğunu bir daha gördük. “İdman siyasətə qarışmır” deyənlər özü bilər, amma siyasət idmana həmişə qarışır. Və bütün dünyanın idmana bu qədər önəm verməsinin də səbəbi elə bundadı.
“Düdelanj” – “Qarabağ” matçıyla bağlı yazmağa ehtiyac duymuram. Təmsilçimiz Avropa Liqasının qrup matçında tarixi qələbə qazanıb, iddiasını ortaya qoydu. Hələ heç nə dəyişməyib, yenə də bütün suallara APOEL-lə cüt oyunlardan sonra aydınlıq gələcək. Çempionumuzu “yükləməyək”, yalnız dəstəkləyək və ən yaxşısına ümid edək. Növbəti turda qələbə ümidləri artıra bilər, bu, olmasa, da sonadək qrupdan çıxmaq üçün “Qarabağ”a güvənməliyik. Xaraba qoyulmuş ölkə futbolunda bitən yeganə çiçəyi qorumalıyıq.
“Qarabağ” illərdi tarix yazır. Futbol dünyasında öz kiçik yeri olan Azərbaycanı böyüdən, onu dünya arenasında şərəflə təmsil edən, hədəf böyüdən bir klubumuz var. Və onun uğurları göz çıxarır. Təxribatçılar artıq dözə bilmir, mənfur əməllərini hər yerdə göstərirlər. Ağdam klubunun futbolçuları da tarixi təkcə meydanda yox, həm də meydandan kənarda yazırlar; təkcə futbol oynamırlar, həm də döyüşürlər.
Erməni xislətidi. Lüksemburqda düşmənlərimiz öz əski parçasını ancaq dronun köməyi ilə meydana gətirməyə cəhd edirsə, “Qarabağ” 6 ildi Azərbaycanın möhtəşəm bayraqlarını Avropa meydanlarında şərəflə, qürurla dalğalandırırlar. Çempionumuzun ölkənin təbliğatı, haqq işimizin dünyaya car çəkilməsi baxımından necə böyük iş gördüyünü bax, belə hadisələr bir daha təsdiqləyir.
“Qarabağ” təkcə futbol klubu deyil, həm də partizan dəstəsi, şərəf batalyonudu və tək döyüşür. AFFA rəhbərliyi Kiprdə gözünü erməni bayrağına zilləyib 90 dəqiqə keçirdisə, “Qarabağ” Lüksemburqda nə etmək lazım olduğunu əyani şəkildə göstərdi. Azarkeş ordusu, kapitan Rəşad Sadıqovun liderliyi ilə Avropanın göbəyində döyüşdülər, düşməni siçan deşiyinə girməyə məcbur etdilər. Klub rəhbərliyinin avropalıları üzr istətdirəcək cəsarətinə, məşqçi və oyunçuları ən çətin anda göstərdikləri soyuqqanlılığa görə təbrik edirik.
İkiqat qələbən mübarək, “Qarabağ”. Yaxşı ki, varsan!
VÜSAL MAHMUDOV
- Milli komanda2024-05-08 12:17
Millimizin gələcək baş məşqçisi Bakıya gəlir
- Ölkə futbolu2024-05-08 09:27
Georgiyevski “Neftçi”nin nəticələrini qəbulolunmaz sayır: “Qarabağ” nə qədər güclü olsa da…”
- Digər idman növləri2024-05-07 16:35
Bakı qran-prisi üçün marşalların təliminə başlanılıb
- Milli komanda2024-05-07 22:55
AFFA Ştefan Kuntsla danışıq aparır? – Rəsmi açıqlama