Müsahibə
İlkin Muradovdan məşqçiyə təşəkkür: “Özümdən asılıdı”
“Zirə”nin gənc futbolçusu İlkin Muradov bu m&oum…
“Zirə”nin gənc futbolçusu İlkin Muradov bu mövsüm ikinci dəfə Premyer Liqada start heyətində meydana çıxdı. Ötən mövsüm yaşı limitə düşdüyündən məşqçilərin daim güvənməyə məcbur olduğu yarımmüdafiəçi hazırda rəqabətə tab gətirmir. Lakin gənc futbolçu uzun müddətdi oynamamasına baxmayaraq, qolla yadda qaldı. Həm də bu, komandasının xal qazanmasına kifayət etdi.
Futbolinfo.az-a müsahibə verən yarımmüdafiəçi həm qolundan, həm də son 3 oyundakı qələbəsizlik seriyasından danışdı.
– “Qəbələ” ilə oyunda yenə qalib gələ bilmədiniz…
– Matça çox ciddi hazırlaşmışdıq. Heyətimizdə itkilər olsa da, 3 xal qazanmaq istəyirdik. İstəyirdik ki, 3 xal qazanaq və birinci dövrəni 10 xalla başa vuraq. Ümid edirəm ki, gələn oyunlarda daha yaxşı nəticələr göstərə bilərik. Düzdü, son 3 oyunda istəmədiyimiz nəticələr qazanmışıq. Yaxşı hazırlaşmışdıq, qalib gəlmək istəyirdik. Fikrimiz avrokuboklara vəsiqə qazanmaqdır. Vəziyyətin daha da yaxşılaşacağına ümid edirəm. Düşünürəm ki, qarşıdakı matçlarda qələbələrimiz çox olacaq.
– Bu mövsüm çox az oynamısan. Son turda isə meydana çıxıb qol vurdun. Oyununu necə dəyərləndirirsən?
– Çox sevinirəm ki, 1 xal qazanmağımızda mənim əməyim oldu. Qol vurdum və komanda uduzmadı. Hər oyunda baş məşqçi nə qədər şans versə, onu dəyərləndirib daha çox oynamaq istəyirəm. Start heyətdə şans verilsə, bundan da maksimum istifadə edəcəm. Fikrimcə, özümü daha yaxşı tərəfdən göstərə bilərəm.
– Meydana çıxmamağın nə ilə bağlı idi. Sırf məşqçinin qərarı idi?
– Sırf məşqçi seçimi ilə əlaqələndirməzdim. O da məşqlərə, oyunlara baxıb meydana 11 nəfər buraxıb. Hər halda, bu həftə daha yaxşı məşq edib özümü göstərə bilmişdim. Təşəkkür edirəm ki, məni meydana buraxdı. Mən də onun ümidlərini doğrultdum.
– Davamlı şəkildə meydana çıxacağına inanırsan?
– Əlbəttə ki, mümkündür. Bu, mənim özümdən asılıdır. Daha çox məşq edib start heyətdə meydana çıxmaq istəyirəm. Niyyətim də odur ki, çox oynayım.
– Milli komandaların oyunlarına görə yaranan fasilə sizə kömək edəcək?
– Bu fasilədən maksimum istifadə edəcəyik. Yoxlama görüşü də keçirəcəyik. Hazırlaşıb qarşıdakı hər oyuna final kimi çıxacağıq.
FƏRİD
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”