Ölkə futbolu
Bəhreyndən gələn xeyir
Elxan Məmmədovun aylıq minimal qazancı 50 min manatdı. AFFA-nın …
Elxan Məmmədovun aylıq minimal qazancı 50 min manatdı. AFFA-nın baş katibi kimi ona məhz bu qədər “paket” ayrılıb. Futbol təsərrüfatının idarə edilməsi, top oyununun inkişafı, kütləviləşdirilməsi və s. tələbləri yerinə yetirməklə o, bu məbləğə sahib çıxır.
Futbolun hansı inkişaf həddində olması öz yerində, Bakıdan kənarda ümumiyyətlə, bu idman növü mövcud deyil. 12 ildi belə davam edir və Məmmədov faktiki iş görmədən milyonçu olub. Və biz onun yalnız minimal qazancından danışırıq. Rəsmi “paket”inin 2-3 mislinə rahatca sahib çıxır. Bunu necə etdiyini bilirik, lakin əldə rəsmi sənəd olmadığından isbatlamaq mümkün deyil. Müxtəlif şirkətlər vasitəsilə qazondan dərmana, transferdən tikintiyə kimi hər şeydən fayda götürür. Araşdırmanı qoy başqaları aparsın.
Və bu Məmmədov ilin-günün bu vaxtında milli komandanı Bəhreynə aparıb. Macarıstanla Avro-2020-nin rəsmi oyunu ərəfəsində baş katib guya ki, FIFA tələblərini yerinə yetirir. Halbuki milli komanda düşünülsəydi, daha uyğun rəqiblə, daha uyğun məkanda oynamaq olardı. AFFA-ya isə Bəhreyn kimi sıradan bir komanda lazım idi. Ərəblər səfər xərclərini qarşıladı, uduzmaqla millimiz haqda müsbət rəy formalaşmasına səbəbkar oldu və ən nəhayət, mükafat paylamaq üçün əsas verdilər. İndi AFFA rəhbərliyi hər futbolçuya 10-20 min manat mükafat dağıdacaq, yarım milyon havaya sovrulacaq.
Yoxlama oyunu da olsa, rəqib məhəllə komandasından seçilməsə də, səfər matçında qələbənin qiyməti bu qədərdi. Litvayla ev heç-heçəsinə görə 10, Xorvatiya ilə seçmə mərhələ görüşündəki heç-heçəyə görə 30 min manat mükafat paylayan AFFA başqa variantı düşünmür də. Bu matç macarlarla oyunöncəsi milli komandaya heç nə vermədi, lakin kimlərinsə cibi dolacaq. Sıravi Azərbaycan vətəndaşının 4-5 ilə (!!!) qazana bilmədiyi maaşı Bəhreynə yollananlar heç nəyə yaramayan, hər hansı önəmi olmayan qələbə müqabilində cibinə qoyacaq.
Və həmin Məmmədov AFFA-ya, milli komandaya yığdığı dost-tanışa, qohum-əqrəbaya olduğu kimi, özünə də yüzfaizli mükafat yazacaq. Xorvatiya ilə oyunda olduğu kimi…
İndi bir də hesablayın, görün Elxan Məmmədovun 50 minlik “paket”inin üstünə aylıq nə qədər gəlir əlavə olunur? Və “Port Baku”da ikinci mənzili almaq olar, ya yox?
FƏRİD
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”