Premyer-liqa
Yeniyetmə Toşak
Yazmışdıq… Toşakla "Xəzər Lənkəran"ın yalan&ccedi…
Yazmışdıq… Toşakla "Xəzər Lənkəran"ın yalançı uğur qazandığını yazmışdıq. Toşakın "Xəzər Lənkəran"ın azarkeşlərinə hörmətsizlik etdiyini və klubun hədəflərinə tüpürdüyünü də yazmışdıq. "Neftçi"ni yenmək üçün "Xəzər Lənkəran"ın məşqçiyə ehtiyacı olmadığını da yazmışdıq.
Son oyun isə bütün yazdıqlarımızı sübut etdi. Sübut etdi ki, "Xəzər Lənkəran"ın 64 yaşlı Cona ehtiyacı yoxdu. Və sübut etdi ki, "Xəzər Lənkəran" 10 illiyində yalnız "Sumqayıt" və "Rəvan"la mübarizə apara bilər. Bu da uelslinin cənublulara ad günü hədiyyəsi olacaq. Bu da "Xəzər Lənkəran" tarixində bir ilk olacaq.
Qayıdaq Super Kuboka.. Əzəli rəqibləri ilə qarşılaşan "Xəzər Lənkəran" əzmkar oyun göstərdi. Elə Toşak da bu oyunun əhəmiyyətini gözəl bilirdi. Təbii ki, hər qazanılan qələbə komandanın, məğlubiyyət isə baş məşqçinin adına yazılır. Naxçıvanda "ağ-yaşıllar" oynadı, mübarizə apardı və… Və kuboku Lənkərana apardı. Bəs Toşak nə etdi? 35 illik karyerası ərzində Azərbaycanda da kubok qazandı. Hər kəsə təşəkkür etdi. Bu kubokla kifayətlənməyəcəklərini dedi. Bu, onun 20-ci titulu idi. Ən son nailiyyəti isə 1998-ci ildə "Beşiktaş"la olmuşdu. O zaman 49 yaşlı Toşak Türkiyə kubokunu başı üzərinə qaldırmışdı.
2011-ci ilin 6 noyabrı idi. Yenidən barışmaz rəqiblər üz-üzə gəldi. İsmət Qayıbov adına Bakıxanov qəsəbə stadionunda "Lənkəran fiaskosu" oldu. Onda Mirça Rednik cənubluları öyrədirdi. Elə Lənkəran klubunun bu günədək çalışdığı ən yaxşı məşqçisi idi Rednik.
… və 2 noyabr. "Xəzər Lənkəran" tarixinə "Neftçi" tərəfindən qara hərflərlə yazılmış "noyabr hadisələri" təkrar olundu. Bu dəfə isə cənub əhli Toşaka güvənirdi. Ona görə ki, artıq Toşak "Neftçi"nin əlindən kubok almışdı. Saat 19:00 və "Bakcel Arena"da qonaqların acı günü. Hər iki tərəf qarşılıqlı hücumlar edirdi və saat 20:30… Demək olar ki, "Xəzər Lənkəran"dan əsər-əlamət də qalmayıb. Beləliklə, "Neftçi" rəqibini yenə darmadağın etdi, yenə Bakıda, yenə noyabrda. Dəyişən isə baş məşqçi idi. Nazim Süleymanov uelsli həmkarının 35 ildə öyrəndiklərinin bir işə yaramadığını sübut etdi.
Oyundan sonra Toşak yalnız bir söz əzbərləmişdi: "Bu gün yeniyetmələr kişilərə qarşı oynadı". Bəs həmin yeniyetmələr Naxçıvanda necə oynadı? Elə sənin başçılığınla…
"Xəzər Lənkəran" məğlubiyyəti bir daha sübut etdi ki, cənubluların Toşak seçimi yalnışdı. Artıq gəzib, görmüş 64 yaşlı "yeniyetmə"nin cənublulara heç bir xeyri olmayacaq.
Lənkəran rəhbərliyi yeni baş məşqçi axtarışına çıxmalıdı. Variant da var… Məsələn, Aleks Ferqyuson ola bilər. Həm təcrübəlidi, həm dünya görmüşdü, həm də Toşakdan 8 yaş böyükdü. Ən azından yeniyetmə deyil…
RÖVŞƏN ƏHLİMANOĞLU