Ölkə futbolu
Fariz Nəcəfov: Elnur və Mahirin hərəkətləri heç bir mədəniyyətə sığmır
"Qəbələ" klubunun vitse-prezidenti Fariz Nəcəfov komand…
"Qəbələ" klubunun vitse-prezidenti Fariz Nəcəfov komandanın Topaz Premyer Liqasının son turunda üzləşdiyi "Qarabağ"a məğlubiyyəti, müdafiəçi Elnur Allahverdiyevin azarkeşlərlə və rəqib futbolçu Reynaldo ilə münaqişəsi və digər məqamlarla bağlı fikirlərini açıqlayıb. Futbolinfo.az xəbər verir ki, o, bunları söyləyib:
"Çox maraqlı görüş keçdi. Axırıncı dəfə Azərbaycanda nə vaxt belə oyun olduğunu xatırlamıram. Amma təəssüf ki, sevinən tərəf biz olmadıq. İstənilən halda göstərdiyi əzmkar oyuna görə komandamızı təbrik edirəm. Sözsüz ki, komandamız əvvəldən eyni tempdə oynasaydı, daha yaxşı olardı. Ancaq futbolun da gözəlliyi bundadı ki, gözlənilməz hallar baş verir. Baş məşqçinin etdiyi əvəzetmələr, fasilədə futbolçulara verdiyi tövsiyələr oyunun axarını dəyişdi. Dörd qol buraxmamışdan qabaq bizim də iki yüzfaizli qol imkanımız oldu. Dodo iki dəfə qapıçı ilə üzbəzüz qalsa da, qol vura bilmədi. Ancaq demək olar ki, "Qarabağ" əlinə düşən imkanların hamısından yararlandı. Razıyam ki, müdafiəmizdə boşluqlar var. Ancaq səhf olmasa, qol da olmaz, qol olmasa da, futbol olmaz. Səhvlərə yol verilirsə, deməli, boşluqlar var. Qış transfer dönəmində bu boşluqları möhkəmləndirəcəyik. Bu işləri isə baş məşqçi Yuri Syominin öhdəsinə buraxmışıq. Yəqin ki, Syomin bu boşluqları görür və onların üzərində işləyəcək".
Nəcəfov Elnur Allahverdiyevlə "Qarabağ" azarkeşləri arasında yaranmış narazılığa da münasibətini açıqlayıb: "Elnur Allahverdiyev, eləcə də “Neftçi”dən Mahir Şükürovun etdiyi hərəkətlər heç bir mədəniyyətə sığmır. "Neftçi" ilə oyunumuzda burada olmamışam. Mahirin azarkeşlərimizə qarşı etdiyi hərəkətlər kameralara düşüb. Amma bu məsələni çox şişirtmək də istəmirəm. Çünki azarkeşlərdə də günah var. Onlar dayanmadan çox biədəb sözlər işlədiblər. Bu söyüşləri bəlkə də başqa millətin nümayəndəsi həzm edə bilər. Ancaq azərbaycanlı futbolçu nə qədər peşəkar olsa belə, o söyüşlərin qarşılığında nəsə etməlidi. Azarkeşlərimiz nəzərə almalıdı ki, Bakı kiçik bir şəhərdi, futbol ictimaiyyətimiz böyük deyil. Belə hərəkətlər Avropa ölkələrində baş versə, o qədər qalmaqala səbəb olmaz. Ancaq futbolçunu bu şəkildə təhqir etmək də olmaz. Komanda istirahətə buraxıldığı üçün Elnurla görüşə bilməmişəm. Ancaq onunla görüşəcəm. Ona deyəcəyim sözlər var. Onunla müqavilə bağlayarkən danışmışdıq ki, belə şeylər olmasın. Müharibəyə kimin gedəcəyini belə müəyyənləşdirmirlər. Müharibə olanda kimin harda olduğu, kimin vuruşduğu bilinir. Qarabağda, Ağdamda nə qədər insan şəhid olub, şikəst olanlar da çəliklə gəzirlər. Elnur yandığından o sözləri deyib. Mən onun hər sözünə görə cavab verə bilmərəm. Amma onunla mütləq görüşüb, söhbət edəcəm". (qol.az)
- Premyer-liqa2024-05-11 18:55
“Araz-Naxçıvan” “Turan Tovuz”a uduzdu
- Ölkə futbolu2024-05-12 10:36
Mahir Xorvatiya çempionu oldu
- Premyer-liqa2024-05-11 09:00
“Araz-Naxçıvan” “Turan Tovuz”a, “Zirə” “Qarabağ”a qarşı
- Ölkə futbolu2024-05-12 08:45
Elxan Məmmədov – Mərdəkandan Kürdəxanıya yollanmaq üçün səbəb var