“Qəbələ” Misli Premyer Liqasının 8-ci turunda “Kəpəz”in qonağı olacaq.
Futbolinfo.az xəbər verir ki, Gəncədəki görüş rəqiblərin 25-ci dueli olacaq.
İndiyədək baş tutan 24 matçın hamısı Premyer Liqa çərçivəsində keçirilib.
Bu oyunlarda 10 qələbə qazanan “Qəbələ” 8 dəfə meydandan bir xalla ayrılıb. Digər 6 dueldə rəqib qalib gəlib.
“Qırmızı-qaralar” top fərqində də üstündür – 32-21. Son 7 oyunda qol sevinci yaşayan “Qəbələ” bu görüşlərdə uduzmayıb.
Komandalar 13-cü dəfə “Kəpəz”in meydanında qarşılaşacaq. Əvvəlki 12 oyunda 4 qələbəsi olan “Qəbələ” eyni sayda heç-heçə edib və xalsız qalıb. Rəqib meydanında 16 dəfə fərqlənən “Qəbələ” futbolçuları 13 top buraxıblar. Son 4 səfərdə qol vuran “Qəbələ” rəqib meydanından xalsız dönməyib.
Oktyabrın 1-də Gəncə şəhər stadionunda baş tutacaq “Kəpəz” – “Qəbələ” matçı saat 16:00-da başlayacaq.