Yevlaxda minifutbol üzrə yeniyetmə və gənclər arasında rayon turniri start götürüb. Birincilikdə 10 komanda qalib adı uğrunda mübarizəyə qoşulub.
Yarışın keçirilməsində məqsəd yeniyetmə və gənclərə sağlam həyat tərzinin təbliği, asudə vaxtlarının səmərəli təşkili, futbolçular arasında dostluq əlaqələrinin qurulmasıdır.
Turnirdə ilk üç yeri tutan komandalar Mərkəzi Aran Regional Gənclər və İdman İdarəsinin medalları ilə təltif olunacaqlar. Birinciliyə yanvarın 19-da yekun vurulacaq.