Misli Premyer Liqasında 1-ci tura “Zirə” – “Səbail” matçı ilə yekun vuruldu (4:1).
“Qartallar”ın 4-cü qolunun müəllifi olan İssa Cibrilla oyundan sonra futbolinfo.az saytına danışdı. Gözəl qola imza atan yarımmüdafiəçi uğurun davamına çalışacağını bildirdi: “Mövsümün ilk oyunda fərqləndim. Bu, artıq normal haldır. Çünki biz hazırda Avropada oynayan komandayıq, təcrübə var. Məşqimiz əvvəlki kimi deyil. Bu il fərqi göstərmək üçün çox çalışırıq. Bu mövsüm üçün məqsədimiz mümkün qədər yüksəklərə çıxmaq və sona qədər mübarizə aparmaqdır. Konfrans Liqasında da eyni şəkildə hədəflərimiz var. Çox yaxşı oyunçularımız var və əla formadayıq. Ona görə də əlimizdən gələn hər şeyi edəcəyik ki, daha da irəli gedə bilək”.
GÜNAY SÜLEYMANOVA