Ölkə futbolu
“Araz-Naxçıvan” üçün “ASK Arena”
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
Yeni mövsümün hazırlıqlarına Bakıda davam edən “Araz-Naxçıvan” yoxlama görüşlərindəki rəqiblərini müəyyənləşdirir. Artıq belə komandalardan biri bəlli olub.
Futbolinfo.az xəbər verir ki, naxçıvanlılar iyulun 12-də hazırda məşq etdikləri Bakı Olimpiya Stadionunun ehtiyat meydançasında “Turan Tovuz”la qarşılaşmağa qərar verib. Oyun saat 17:00-da başlayacaq. Bu qarşılaşmanın ertəsi tovuzlular Türkiyə toplanışına yollanacaq, “Araz-Naxçıvan”ın planları isə hələ tam bəlli deyil.
Bu arada “Araz-Naxçıvan”ın yeni mövsümə harada başlayacağı dəqiqləşib. Muxtar respublikadakı mərkəzi stadion Premyer Liqa üçün tam yararlı deyil və təmir işləri aparılır. Bu səbəbdən komanda ilk dövrəni paytaxtda keçirəcək. Öncə komandanın rəqiblərini Mərdəkandakı “Dalğa Arena”da qəbul edəcəyi gözlənilsə də, klub rəhbərliyinə Zaur Axundovun gəlişi ilə vəziyyət dəyişib. Belə ki, komandanın “ASK Arena”da oynamaq variantı yaranıb. Yekun qərar qarşıdakı günlərdə veriləcək.
![blank](https://futbolinfo.az/wp-content/plugins/wp-fastest-cache-premium/pro/images/blank.gif)