Digər idman növləri
Astanada hesab yenə də bərabərdir
Qazaxıstanda şahmat tacı uğrunda matçın 12-ci partiyası baş tutub. Bügünədək Yan Nepomnyaşı 6:5 hesabı ilə öndə idi.
Bu dəfə ağ fiqurlarla Din Lijen mübarizə aparıb. Partiyanın əvvəli elə də gərgin alınmayıb. Lakin Nepomnyaşının fillə d7 gedişi bütün ekspertləri çaşdırıb.
Növbəti gediş üçün rusiyalı şahmatçı 20 dəqiqə düşünməli olub. 14-cü gedişdən sonra lövhədə belə bir vəziyyət alınıb.
Fillə c2 oynaması Lijenin vəziyyətini qəlizləşdirib. Bu gedişdən sonra kompyuter qara fiqurlara 1,2 bal üstünlük verib. Nepomnyaşi də bundan ustalıqla yararlanmağa başlayıb. Beləliklə də, partiya qaraların xeyrinə davam edib. Vəziri e3-ə keçirtdikdən sonra Din üçün kompyuter artıq -3,5 göstərib. Bir neçə gedişdən sonra üstünlük faciəvi həddə çatıb – 4,6. Lakin Yanın səhvi bütün üstünlüyün əldən getməsilə nəticələnib. Onun topla gedişi uğursuz alınıb. Lövhədəki vəziyyət isə belə olub.
Qrossmeysterlərin səhvləri ilə davam edən partiyada sonda üstünlük ağ fiqurlara keçib. Beləliklə də mat olmaq təhlükəsi ilə üz-üzə qalan rusiyalı şahmatçı məğlubiyyətlə barışıb.
Bu partiyadan sonra hesab bərabərləşib. Astanada keçiriləcək 13-cü partiya sabah baş tutmalıdır. Bu dəfə ağ fiqurlarla Nepomnyaşı oynayacaq.