Autsayder üçlüyü: kimi nə gözləyir?

Misli Premyer Liqasının 30-cu turu Premyer Liqada qalmaq uğrunda mübarizə aparacaq komandaların siyahısını bir qədər də qısaltdı. Riyazi cəhətdən “Turan Tovuz”la “Kəpəz”in hələ də belə qorxusu var. Lakin Şamaxıdakı heç-heçədən sonra qərblilər rahat nəfəs ala bilər. Sonuncu pillə ilə mövcud olan 7-8 xallıq fərqin əriməsi inandırıcı deyil.

Gəncəlilər Qəbələdə qəbul etdiyi “Turan Tovuz”u yenməklə rəqibi ilə durumunu bərabərləşdirdisə, “Şamaxı” – “Sumqayıt” matçında qeydə alınan qolsuz bərabərlik həm qərblilərin, həm də “Səbail”in işinə yaradı. Bu tur məğlub olan Bayıl təmsilçisi bu iki komandanın birinin qələbəsi reallaşacağı halda daha çətin duruma düşəcəkdi.

Faktiki bu gün “Sumqayıt”, “Şamaxı” və “Səbail” I Diviziona yuvarlanmaq qorxusunu hamıdan çox hiss edir. Onların növbəti turlardakı təqviminə nəzər salsaq, komandalar arasındakı şəxsi oyunların çox şeyi həll edəcəyini söyləməliyik. Hər iki komanda ilə şəxsi oyunu qalan “Səbail” taleyini özü həll edə bilər. Düzdür, kubokun yarımfinalında mübarizə aparması “dənizçilər” üçün əlavə yükdür, amma titula ümid varkən, dayanmaq da olmaz. “Sumqayıt”ın əsas üstünlüyü hazırda daha çox xal toplaması və qalan 6 oyundan 4-nü öz meydanında keçirəcəyidir.

Autsayderlərin qalan oyunları:

Sumqayıt – 25 xal

Qəbələ (ev)

Kəpəz (səfər)

Səbail (ev)

Sabah (ev)

Qarabağ (səfər)

Zirə (ev)

—————————————————-

Şamaxı – 22 xal

Kəpəz (ev)

Sabah (səfər)

Zirə (ev)

Neftçi (səfər)

Qəbələ (ev)

Səbail (səfər)

—————————————————-

Səbail – 21 xal

Neftçi (ev)

Qəbələ (səfər)

Sumqayıt (səfər)

Qarabağ (ev)

Turan Tovuz (səfər)

Şamaxı (ev)