Müsahibə
“Biz bu gün heç kimdən bir baş güclü komanda deyilik” – Kamal Bayramov
“Turan Tovuz”un qapıçısı Kamal Bayramovun futbolinfo.az saytına müsahibəsi
– “Sumqayıt”a doğma meydanda uduzacağınızı gözləyirdiniz?
– Səbəb odur ki, özümüz diqqətsizlik etdik. Futbol ani boşluğu bağışlamır. Bu, hər dəfə sübut olunur. Top hakimin son fitinə qədər başqa bir şey düşünməməli olduğunu göstərir. Hər keçən gün bu daha da dəqiqləşir.
– İki dəfə hesabda önə keçdiniz, amma qələbəni qoruya bilmədiniz…
– Hesabda önə keçdiyin zaman meydanda daha da inamlı olmalısan. Buraxılan ikinci qoldan sonra ruh düşkünlüyü yarandı və nəticədə dramatik sonluq alındı.
– Çempionatda qalacağınız böyük ehtimal bəllidir. Kubok barədə nə düşünürsən?
– Bəli, Azərbaycan kubokunda yarımfinaldayıq və rəqibimiz “Neftçi”dir. Yarımfinalda olmaq bizim üçün motivasiyadır. Amma bu, o demək deyil ki, çempionatda işlərimizi qaydasına qoymuşuq. Xal və xallara ehtiyacımız var. Bunun üçün də mübarizə aparmalıyıq.
– Qarşıda mövsümün sürpriz komandalarından olan “Şamaxı” ilə oyun var…
– Rəqib çox yaxşı təsir bağışlayır. Çətin oyun olacaq. Biz bu gün kimdənsə bir baş güclü komanda deyilik. “Şamaxı”da əsas rəqiblərimizdəndir. Qələbə qazanmaq istəyirik. Azarkeşləri sevindirmək borcumuzdur.
– Azərbaycan millisi AÇ-2024-ün seçmə mərhələsində Avstriyaya 1:4 və İsveçə 0:5 hesabı ilə uduzdu. Təcrübəli oyunçu kimi bu məğlubiyyətlərdə kimi günahlandırardın?
– Milli komanda hər birimizin döyünən ürəyidir. Mən kimisə günahlandırmaq istəmirəm. Bu gün əcnəbi baş məşqçidir, sabah başqası olacaq. Biz potensial olaraq gücümüzü bilirik. Futbolumuzda kimisə bu gün tənqid, təhqir etmək doğru deyil. Niyə riyakarlıq edirik? Gücümüz budur. Rəqiblər bizi hər nüansda üstələyir. Güc, texnika, keyfiyyət aşağı olandan sonra niyə biz udmalıyıq? Futbolda vacib olan bütün faktorlarda rəqiblər bizdən daha yaxşıdır. Öz gücümüzə uyğun rəqiblər düşsə, hardasa mübarizə aparmaq olar. Bərabər olduğumuz komandalara qalib də gəlirik. Bir şeydən narahatam ki, baş məşqçinin oyunçu seçimi bir qədər ədalətsizdir. O da demirəm ki, filankəs gəlsə, dəhşət futbol sərgiləyəcəyik, yox, sadəcə, bəzi mövqelərdə həqiqətən də daha yaxşı oyunçular kənarda qalıb. Bu da narahatçılıq, narazılıq yaradır. Milliyə uğurlar arzu edirəm və inanıram ki, növbəti oyunlarda daha yaxşı futbol sərgiləyəcəklər.
ABBAS
- Ölkə futbolu2024-05-13 19:32
Rövşən Nəcəf: “Premyer Liqada iştirak edəcək klubların sayında artım olmayacaq”
- Ölkə futbolu2024-05-14 08:00
İcraiyyə Komitəsinin gözlənilən qərarları
- Ölkə futbolu2024-05-14 14:32
“Turan Tovuz”dan gedəcək futbolçuların siyahısı dəqiqləşir
- Digər2024-05-13 16:45
“Poz-Qazan” tarixində bənzərsiz uduşlu yeni “Prestij” lotereyası satışda