“Biz o xarakterdə deyilik ki…” – Ağabala Ramazanov

“Zirə”nin futbolçusu Ağabala Ramazanovun futbolinfo.az-a müsahibəsi

• Qış fasiləsindən sonra gözlənilənlərin əksinə komanda pis çıxışı ilə yadda qalıb. Bunu nə ilə əlaqləndirirsən?
• Ümumi götürsək, yaxşı toplanış keçmişdik. Çempionata yaxşı start verdik. İlk matçda da qələbə qazandıq. Sonrakı matçlarda da pis çıxış etmədik. Sadəcə bəzən oyundan qopduq, fərdi səhvlərə yol verdik. Amma hələ heç nə bitməyib. Çempionat davam edir və qarşıda matçlar var.
• 4 oyunda 12 qol buraxmısız. Düşünmürsən ki, bu həddən artıq çoxdur. Müdafiə xəttinin çıxışı çox bərbad adlandırmaq olar…
• Deməzdim ki, sırf müdafiədə səhvlər var. Əgər 4 oyuna 12 qol buraxmışıqsa, komanda şəklində səhv etmişik. Zaur müəllim də çalışır ki, səhvlərimizi aradan qaldırsın. İnşallah, bu problemləri həll edərik.
• Bu heyətə görə komandanızın yuxarı yerlərdə məskunlaşacağı gözlənilirdi. Bundan sonra durumu dəyişmək mümkün olacaqmı? Hər halda komandada psixoloji gərginlik var və bunu aradan qaldırmaq üçün nə etmək lazımdır…
• Uduzduğumuz matçları yaddan çıxarmalıyıq. Düzdür, nəticələrə görə çox məyus olmuşuq. Biz o xarakterdə deyilik ki, əlimizi-qolumuzu yanımıza salıb təslim olaq. Bütün futbolçular dərdk edir ki, şansımız var və hədəfimizə çata bilərik. Heç birimiz təslim olmayıb mübarizə aparacağıq.
• Qayıdaq “Sumqayıt”la matça. Həmin oyunda aldığınız qırmızı vərəqə çox müzakirə edildi…
• Bu barədə heç danışmaq istəmirəm. Geridə qalıb və söhbət açmasaq, yaxşıdır.
• “Qəbələ” ilə matçdan gözləntiləriniz nədir?
• “Qəbələ”nin çox mübariz kollektivi var. Yerli və gənc futbolçular meydanda “vuruşurlar”. Lakin matçın bizim üçün əhəmiyyətini dərk edirik. Ona görə bu oyuna yaxşı hazlıraşmışıq və qələbə üçün oynayacağlq.

CAVAD