“Çelsi”nin iki hədəfi

Qış transfer pəncərəsini fəal keçirməyən “Çelsi” daha iki futbolçunn izinə düşüb. İngiltərə klubu bir təcrübəli və bir gənc oyunçunun xidmətində maraqlıdır.

Futbolinfo.az xəbər verir ki, londonluların ilk hədəfi Eçiliano Martinesdir. Eduard Mendidən narazı olduğu üçün onu satmağa çalışan “zadəganlar” Argentina millisinin qolkiperini transfer etməyə çalışır. Dünya çempionunu heyətə qatmaq üçün “Çelsi” 30 milyon funt-sterlinq xərcləməyə hazırdır.

“Aston Villa” 2027-ci ilə qədər müqaviləsi olan qolkiperi satmaq istəmir. Lakin 30 yaşlı futbolçuya böyük klublardan təkliflər çoxdur və o da bunlardan birini dəyərləndirmək niyyətindədir. Bunu anlayan birmingemlilər karyerasının zirvəsində olan Martinesi baha satmağa çalışır.

“Çelsi”nin transfer etmək istədiyi digər oyunçu Benua Badyaşilyedir. 19 yaşlı Konqo əsilli fransalı üçün “Monako”ya 40 milyon avro təklif edilib. Amma “Knyazlıq təmsilçisi” “Mançester Yunayted”in istədiyi yetirməsinin satışından daha çox qazanmaq istəyir.