Müsahibə
De Byazi “Qarabağ”la “Neftçi”yə inanır: “Zirə”nin İsraildə möcüzəyə ehtiyacı var”
Azərbaycan milli komandasının baş məşqçisi Canni de Byazinin futbolinfo.az saytına müsahibəsi
– “Qarabağ” UEFA Çempionlar Liqasının ikinci təsnifat mərhələsində İsveçrənin “Sürix” klubunu evdə məğlub etdi. Ağdamlıların bu turu keçəcəyinə inanırsız?
– “Qarabağ” böyük komandadır və təxminən 10 ildir eyni məşqçi ilə, sistemlə işləyirlər. Heyətində yaxşı əcnəbi və yerli oyunçular var. “Sürix”lə ilk matçda fərqli hesabla qalib gəlməyə layiq idilər. Ümid edirəm ki, turu keçəcəklər. Bu, mümkündür və “Qarabağ” bacara bilər. “Sürix” evdə qalib gəlmək istəyəcək. Lakin “Qarabağ” sürətli hücumlar təşkil etsə, mərhələni adlayacaq.
– Keçək Konfrans Liqasına. “Neftçi” ikinci mərhələnin ilk oyununda səfərdə Kipr “Aris”inə uduzdu. Bunu gözləyirdiniz?
– Açığı, “Neftçi”nin uduzması mənim üçün mənfi sürpriz oldu. Matç çox balanslı şəkildə keçdi. Rəqib iki qəribə qol vurdu. Amma “Neftçi” şansını itirməyib və evdə hesabı dəyişə bilərlər. Oyunun dinamikasını öz əllərində saxlamaqla buna nail olmaq mümkündür.
– “Zirə” “Makkabi” (Təl-Əviv) qarşısında aciz qaldı…
– “Zirə” yaxşı komandaya, güclü rəqibə qarşı oynadı. Məncə, aradakı fərq böyük idi. İki komanda arasında fərqli yanaşma və fərqli təcrübə var. Heç vaxt futbolda əvvəlcədən proqnoz vermək olmaz və hər zaman sürpriz ola bilər. Lakin “Zirə”nin İsraildə möcüzəyə ehtiyacı var.
– “Qəbələ” ilk qolu vurduğu matçda “Fehervar”a 1:4 hesabı ilə uduzdu. Amma əyalət klubunun inamlı oyunu diqqət çəkdi. Sizcə, Qəbələdə fərqli situasiya ola bilər?
– “Qəbələ” oyuna çox yaxşı başlamışdı. Matçın ilk hissəsini üstün keçirdi və əllərinə düşən 3 fürsətin yalnız birindən fərqləndilər. Heyf…Vurulan qolda Rövlan Muradovun gözəl ötürməsini qeyd etmək lazımdır. İlk hissədə matçın taleyinə aydınlıq gətirə bilərdilər, amma şanslarını əldən verdilər. Düşünürəm ki, “Qəbələ” səfərdə ən yaxşısını etdi. Sadəcə, ikinci və üçüncü qolda çox çətinlikləri oldu. 7 dəqiqə ərzində 2 qol buraxdılar. 4-cü qolu qapılarında görməyə bilərdilər və daha yaxşı müdafiə olunmaq mümkün idi. Düşünürəm ki, onların bəzi variantları var və bu, son deyil. Düzdür, çox çətin olacaq…
– Avrokuboklarda yerli futbolçuları çıxışı haqda nə düşünürsüz? Əksəriyyət “Neftçi”nin kapitanı Emin Mahmudovun son oyundakı çıxışından narazı qalıb.
– Bəzi sözlər demək üçün çox qəribə vaxtdı. Çox fərqli vəziyyət var. Komandamızın işi haqqında danışmaq asan deyil. Yayda futbolçuların atletik durumu o qədər də yaxşı deyil. Lakin bir həftədən digərinə iş yükündən asılı olaraq fərqli durum yarana bilər.
– Sentyabrda milli komandanın Millətlər Liqasında bir səfər, bir ev oyunu var. Bu matçlarda məqsəd nə olacaq? Müqavilə haqqında AFFA ilə yenidən danışıqlar aparacaqsız?
– Biz hazırda işimizi görməliyik, buna köklənməliyik və əlimizdən gələni ortaya qoymalıyıq.
FƏRİD
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…