“İnter”in sabiq hücumçusu rəsmən “Sabah”da

“Sabah” heyətini yeni futbolçu ilə gücləndirib.

Futbolinfo.az xəbər verir ki, hücumçu İshak Belfodil bundan sonra Azərbaycan komandasının uğurları üçün çalışacaq. Əlcəzairli futbolçu ilə 2+1 illik müqavilə bağlanıb.

Belfodil karyerası ərzində Fransanın “Lion” (2009-2011), İtaliyanın “Bolonya” (2011/2012), “Parma” (2012/2013, 2014/2015), “İnter” (2013), “Livorno” (2014), BƏƏ-nin “Bani Yas” (2015/2016), Belçikanın “Standard” (2016-2017), Almaniyanın “Verder” (2017/2018), “Hoffenhaym” (2018-2021), “Herta” (2021/2022) və Qətərin “Al-Qarafa” (2022/2023) klublarında çıxış edib. İshak Əlcəzair millisində 19 oyun keçirib, 2 qola imza atıb.

Yeni transfer “Sabah”da 14 nömrəli formada çıxış edəcək.