Dünya futbolu
Klinsmann yenidən “Tottenhem”də?
“Tottenhem”in baş məşqçi postuna namizədlərin son siyahısı müəyyənləşib. Antonio Kontenin istefasından sonra boş qalan postu tutmaq üçün bir çox tanınan çalışdırıcı namizəddir.
Futbolinfo.az “Kicker”ə istinadla xəbər verir ki, londonlular son olaraq Yürgen Klinsmanna da da müzakirə üçün dəvət göndərib. Yaxınlarda Cənubi Koreya millisinin baş məşqçisi postuna təyinat alan almaniyalı mütəxəssisin asiyalılarla anlaşmanı pozacağı gözlənilən deyil. Lakin vaxtilə (1994-95) “Tottenhem”in formasını geyməsi İngiltərə klubunun onu unutmamasına səbəb olub.
Londonluların siyahısında həmçinin Brendan Rocers, Vensan Kompani, Mauritsio Poşettino, Qrem Potter və Yulian Naqelsmannın adı var. Mövsümün sonuna kimi məşqçilərlə müzakirələr aparılacaq, yayda isə təyinat rəsmiləşəcək.