AÇ-2024
Kral təbriki
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
Böyük Britaniya kralı III Çarlz İngiltərə yığmasını 2024-cü il Avropa çempionatının finalına yüksəlməsi münasibətilə təbrik edib.
Dünən yığma komanda turnirin yarımfinalında Niderlanda qalib gəlib (2:1).
“Mən, həyat yoldaşım və bütün ailəmiz sizi Avropa çempionatının finalına yüksəlməyiniz münasibətilə ürəkdən təbrik edir və bazar günü keçiriləcək final matçı üçün ən xoş arzularımızı çatdırırıq. Son dəqiqə möcüzə qollarına və ya penalti dramına ehtiyac qalmadan qalib gəlin. Əminəm ki, belə olduqda bütün xalqın stressi və təzyiqi xeyli azalacaq! Uğurlar, İngiltərə”, – deyə III Çarlz qeyd edib.
İngiltərə Avro-2024-ün finalında İspaniya ilə qarşılaşacaq. Qarşılaşma bazar günü, iyulun 14-də baş tutacaq və Bakı vaxtı ilə saat 23:00-da başlayacaq.
![blank](https://futbolinfo.az/wp-content/plugins/wp-fastest-cache-premium/pro/images/blank.gif)