Ölkə futbolu
Leandro Kadinin yanına gedir?
“Qarabağ”ın yarımmüdafiəçisi Leandro Andradenin “Krasnodar”dan təklif alması şayiədir.
Futbolinfo.az xəbər verir ki, bu barədə Rusiya mətbuatı məlumat yayıb.
Bildirilir ki, Kabo Verde millisinin üzvü hazırda Premyer Liqa təmsilçisinin maraq dairəsində deyil: “Düzdür, “Krasnodar” sağ vinger mövqeyinə oyunçu axtarışlarını davam etdirir. Ancaq siyahıda yer alan futbolçular arasında Andradenin adı yoxdur. “Krasnodar” başqa variantları nəzərdən keçirir”.
“Qarabağ”la müqavilə müddəti 2025-ci ilin yayına qədər olan Leandro Andrade bu mövsüm bütün turnirlərdə keçirdiyi 33 oyunda 10 qol vurub, 9 məhsuldar ötürmə verib. Kadi Borgesin eyni marşrutla hərəkət etdiyini, “Krasnodar”la “Qarabağ”ın artıq bir dəfə transfer məsələsində anlaşdığını nəzərə alsaq, söz-söhbətlər səbəbsiz deyil.
Qeyd edək ki, “Qarabağ”ın baş meneceri Asif Əsgərov bir müddət əvvəl Rusiya mətbuatına açıqlamasında Leandro Andrade ilə bağlı heç bir klubdan təklif almadıqlarını açıqlayıb.