Digər idman növləri
Liderin əsas izləyicisindən ardıcıl iki qələbə
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
Kişi həndbolçuların Azərbaycan çempionatında mübarizə davam edir.
Futbolinfo.az xəbər verir ki, həftəsonu yarışın daha 6 qarşılaşması olub.
21-ci turun “Məhsul” – “Təhsil” görüşü daha gərgin və maraqlı mübarizə ilə yadda qalıb. Fasiləyə 7:6 hesablı üstünlüklə yollanan “Məhsul” rəqibin ciddi müqavimətinə baxmayaraq, oyunu qələbə ilə bitirməyi bacarıb – 23:20. Turun digər görüşlərində favoritlər asan qələbə qazanıblar. “Dinamo” U-16-nı 48:22, “Bakı” RİOEUGİM-i 43-28 hesabı ilə məğlub edib.
“Təhsil” və “Məhsul” komandalarının 22-ci turdakı dueli də gərgin mübarizə şəraitində keçib. “Təhsil” yüksək əzmkarlığa baxmayaraq, bu görüşdə də məğlubiyyətlə barışmalı olub – 21:22. Turun digər oyunlarında “Dinamo” U-16 komandasına 62:28, “Bakı” RİOEUGİM-ə 39:31 hesabı ilə qalib gəlib.
“İdman Akademiyası” 45 xalla çempionatın lideridir. “Məhsul” ondan 4 xal geri qalır. “Dinamo” 36 xalla 3-cü, “Təhsil” 27 xalla 4-cü yerdədir. “Bakı” 7 xalla 5-ci pillədə qərarlaşıb. RİOEUGİM ilə U-16-nın hərəyə 3 xalı var.
![blank](https://futbolinfo.az/wp-content/plugins/wp-fastest-cache-premium/pro/images/blank.gif)