Digər idman növləri
MBA-da daha 2 xoşbəxt məlum oldu
MBA-da bu gecə play-in mərhələsinin 2 oyunu keçirilib. Los-Ancelesdəki “Kripto.com Arena”da “Leykers” “Minnesota”nı qəbul edib.
Görüş meydan sahiblərinin 108:102 hesablı qələbəsi ilə başa çatıb. Los-anceleslilər qələbəni overtaymda təmin ediblər.
Qarşılaşmanın ən məhsuldar basketbolçusu Lebron Ceyms olub. Əfsanəvi basketbolçunun aktivində 30 xal, 10 ribaund və 6 assist var.Bundan başqa o, 3 blok-şot və 2 topalma ilə yadda qalıb.
Lebronla birlikdə komandanın ehtiyat oyunçusu Dennis Şröder də əla oyun nümayiş etdirib. Alman basketbolçunun aktivində 21 xal var. Onlardan ən vacibi isə əsas vaxtın başa çatmasına 1,4 saniyə qalmış yerinə yetirilən 3 xallıqdır. Komandanın digər lideri Entoni Devis oyunu 24 xal, 15 ribaund və 3 blok-şotla tamamlayıb.
Rəqib komandanın heyətində Mayk Konli gözəl oyun göstərib. 23 xal toplayan pleymeyker əsas vaxtın son saniyələrində ardıcıl 3 cərimə atışını dəqiq yerinə yetirərək görüşün overtayma getməsinə şərait yaradıb. Karl Entoni Tauns isə dabl-dablla yadda qalıb.
Beləliklə, “Leykers” play-off-a vəsiqə əldə edib. Komandanın ilk raundda rəqibi “Memfis Qrizliz” olacaq.
“Minnesota” basketbolçuları məğlubiyyətə baxmayaraq, mübarizəni dayandırmayıblar. Qaydalara əsasən, onlar son vəsiqə uğrunda görüşdə “Nyu-Orlean Pelikans” – “Oklahoma-Siti Tander” qarşıdurmasının qalibi ilə üz-üzə gələcək.
Gecə keçirilən digər oyun Şərq konfransında olub. Səfərdə “Mayami Hits”i məğlubiyyətə uğradan “Atlanta Houks” komandası play-offa yüksəlib. Orada onların rəqibi “Boston Seltiks” olacaq. Məğlub olan Mayami basketbolçularını isə “Toronto Reptors” – “Çikaqo Buls” qarşılaşmasının qalibi ilə oyun gözləyir.
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 19:32
Rövşən Nəcəf: “Premyer Liqada iştirak edəcək klubların sayında artım olmayacaq”
- Ölkə futbolu2024-05-14 08:00
İcraiyyə Komitəsinin gözlənilən qərarları