Digər idman növləri
MHL Avstraliyaya yollanır
Tarixdə ilk dəfə olaarq MHL klubları Avstraliyada oyun keçirəcək. Liqanın verdiyi məlumata görə, sentyabr ayında “Los-Anceles” və “Arizona” Melburnda 2 dəfə üz-üzə gələcək. Oyunların keçirilmə tarixi sentyabrın 23-ü və 24-dür. Hər iki görüş “Australian Open” tennis turnirinin təşkil edildiyi “Rod Leyver” arenasında baş tutacaq.
Arenanın hazırlığını MHL edəcək. Liqanın bu sahədə böyük təcrübəsi var. Şimali Amerikada açıq havada hokkey oyunları bu təcrübənin toplanmasına şərait yaradıb. Arenanın dam örtüyü qapalı qalacaq. Beləliklə, ilk dəfə MHL klubları Cənub yarımkürəsində oyun keçirəcək.
Oyunlarla bağlı MHL-nın vitse-prezidenti Devid Proper açıqlama verib: “Biz araşdırma aparmadan heç bir iş görmürük. Araşdırmalardan sonra belə bir oyunun keçirilməsinin mənası olduğuna əminlik əldə edərək qərar veririk. Avstraliya böyük bazardır. Bizə faydası olacaq”.
Milli Hokkey Liqasının cari mövsümünə gəldikdə isə dünən gecə əlamətdar hadisənin baş verdiyini qeyd etmək lazımdır. “Vaşinqton”u məğlub edən “Boston” hokkeyçiləri 133-cü xallarını toplayıblar. Bu da MHL tarixində ən yüksək göstəricidr. Buna qədər ən yaxşı göstərici “Monreal Kanadiens”ə məxsus idi. Kanada hokkeyçiləri 1976/1977 mövsümündə 80 oyunda 132 xal toplamışdılar.
Əlavə edək ki, həmin mövsüm monreallılar Stenli kubokunu da qazanmışdılar. “Boston Brüins” göstəricini bir qədər də yaxşılaşdıra bilər. Komandanın müntəzəm çempionatda 1 oyunu qalıb.
- Ölkə futbolu2024-05-13 10:15
İK gündəmi: Premyer Liqada say dəyişməyəcək?!
- Ölkə futbolu2024-05-13 08:32
“Qarabağ” – postsovet məkanının ən yaxşı komandası
- Ölkə futbolu2024-05-13 19:32
Rövşən Nəcəf: “Premyer Liqada iştirak edəcək klubların sayında artım olmayacaq”
- Ölkə futbolu2024-05-14 08:00
İcraiyyə Komitəsinin gözlənilən qərarları