Avstriyada təlim-məşq toplanışında olan “Qarabağ” bu gün daha bir yoxlama oyunu keçirib.
Futbolinfo.az xəbər verir ki, Ağdam təmsilçisi ilk matçında Almaniyanın 2-ci Bundesliqa təmsilçisi “Kayzerslautern”lə qarşılaşmış və 1:3 hesabı ilə uduzmuşdu.
Qurban Qurbanovun baş məşqçisi olduğu komanda ikinci oyunda Çexiya yüksək liqa klubu “Viktoriya” (Plzen) ilə üz-üzə gəlib və rəqibini 2:1 hesabı ilə məğlub edib. Ağdam təmsilçisi bu oyunda əsas heyətlə mübarizə aparıb.
“Qarabağ”ın Avstriyada 4 yoxlama oyunu keçirməsi nəzərdə tutulub. Sonrakı rəqiblər hələlik bəlli deyil.
Yoxlama oyunu
9 iyul
Qarabağ – Viktoriya (Plzen) – 2:1
Qollar: Leandro Andrade, 22; 44 – Kristof Kabonqo, 49.