Rusiyalı atlet Polina Knoroz BRİKS oyunlarındakı rəqabət haqqında fikirlərini bildirib.
Xatırladaq ki, Knoroz şüvüllə tullanma yarışının qalibi olub:
– Rəqabət prosesindən zövq aldığınızı və mübarizə aparacağınız biri olanda daha maraqlı olduğunu söylədiniz. Kazanda sektora girib dörd nəfər olduğunuzu anlayanda nə fikirləşdiniz?
– Çox təəccübləndim. Əvvəlcə şəxsi rekordu 4.80 olan İra Juk bizimlə idi, hətta mübarizənin çətin olacağını düşünüb bir qədər həyacanlandım. Sonra məlum oldu ki, o, yarışdan çəkilir. Cəmi dörd nəfər qaldıq. Bu, çox kədərli və darıxdırıcıdır.
– BRIKS oyunlarını belə təsəvvür etmirdiniz?
– Onlar mini olimpiada kimi təqdim etmişdilər. Amma nə Olimpiada, sektorda cəmi dörd nəfərik! Bu nə Olimpiadadır?! 100 metr məsafəyə qaçışda hətta ilkin yarışlar yoxdur – sadəcə finallardır. Bu nədir?
Əlbəttə ki, yarışların mövcud olması yaxşı şeydir, amma pafos yaratmağa ehtiyac yoxdur. Burada yaxşı təşkilatçılıq var, turnir haqqında pis heç nə deyə bilmərəm. Sadəcə olaraq, onu niyə dəli kimi təriflədiklərini başa düşmürəm.