Ölkə futbolu
Tərtərin stadion “Arzu”su – VİDEO
Tərtər uzun illərdi futbolsuzluqdan əziyyət çəkir. Şəhərdə nə futbol var, nə də normal stadion.
2 hehtar ərazisi olan, əsası 1987-ci ildə qoyulan 2500 tamaşaçı tutumu olan bu arena sonradan baxımsızlığın qurbanı olub. Qazon tamamilə sıradan çıxıb, stadionun daş oturacaqları da istismar müddətini çoxdan başa vurub.
Veteran futbolçular bildirirlər ki, rayondaxili bütün futbol turnirləri uzun illər boyu bu stadionda keçirilib. Onların sözlərinə görə, əvvəllər burada vəziyyət nisbətən yaxşı olub və 1993-cü ildə yeni futbol komandası təsis edilib. İlk əvvəl “Arzu” adı ilə birinci dəstədə mübarizə aparan komanda sonradan adını dəyişərək “Tər Tər” adlandırılıb. Komanda maliyyə problemi nəticəsində dağılıb və rayonda böyük futbol unudulub, stadion da sıradan çıxıb.
Ötən ay isə AFFA tərəfindən Tərtərdə yeni stadionda tikilməsi ilə bağlı tender elan olunub və tenderin qalibi olan şirkət yaxın günlərdə rayonda yeni stadionun inşasına başlayacaq. Bu xəbər rayon futbolsevərlərinin sevincinə səbəb olub. Onların sözlərinə görə, yeni stadion inşa olunsa, rayonda böyük futbol izləyə bilərlər.
Məsələ ilə bağlı AFFA-nın mətbuat xidmətinin rəhbəri Firuz Abdulla ilə əlaqə saxladıq. O, yeni stadionun köhnə arenanın yerində tikiləcəyini və müasir tələblərə cavab verən idman qurğusu kimi ərsəyə gələcəyini bildirdi.
BƏHRUZ MUSAYEV, TƏRTƏR
- Ölkə futbolu2024-05-13 19:32
Rövşən Nəcəf: “Premyer Liqada iştirak edəcək klubların sayında artım olmayacaq”
- Ölkə futbolu2024-05-14 08:00
İcraiyyə Komitəsinin gözlənilən qərarları
- Ölkə futbolu2024-05-14 14:32
“Turan Tovuz”dan gedəcək futbolçuların siyahısı dəqiqləşir
- Digər2024-05-13 16:45
“Poz-Qazan” tarixində bənzərsiz uduşlu yeni “Prestij” lotereyası satışda