Dünya futbolu
Vəli Qasımov Rusiya klublarındakı məvacibini açıqladı
Azərbaycan milli komandasının keçmiş futbolçusu Vəli Qasımov vaxtilə çıxış etdiyi Rusiyanın “Dinamo” və “Spartak” klublarındakı məvacibinin məbləğini açıqlayıb.
Futbolinfo.az xəbər verir ki, bu barədə keçmiş hücumçu, “Championat” nəşrinin müxbiri Boqdan Qorbunova verdiyi müsahibə zamanı deyib:
“O vaxtlar maaşlar az idi, bonuslarla yaşayırdıq. “Spartak”dakı bonusum “Dinamo”dakından çox idi. “Spartak”da qələbə üçün 500 dollar, “Dinamo”da isə 250 dollar verirdilər. Ancaq hər iki klubdan aldığım maaş eyni idi. Təxminən 2-3 min rubl idi. Biz müasir futbolçular kimi çoxlu pul almırdıq”.
Vəli Qasımov 1992-ci ildə “Dinamo”nun heyətində Rusiya çempionatının bombardiri olub. Daha sonra İspaniya “Betis”inə keçən Qasımov, müxtəlif vaxtlarda “Albasete”, “Esixu”, “Vitoriya” və “İmortal” kimi klublarda çıxış edib.
Qasımov 1987-1991-ci illərdə “Neftçi”nin şərəfini qoruyub. Keçmiş hücumçu 14 dəfə də Azərbaycan millisinin formasını geyinib.
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Premyer-liqa2024-05-11 18:55
“Araz-Naxçıvan” “Turan Tovuz”a uduzdu
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”