Ölkə futbolu
Vaqif Sadıqovun Rövnəq Abdullayevdən son xahişi
Növbəti Hesabat-Seçki Konfransında prezidentliyə namizəd olmayacağını açıqlayan Rövnəq Abdullayev gedər ayaq xahiş yerinə yetirib. AFFA İcraiyyə Komitəsinin Gəncədəki son iclasında o, vitse-prezidentin yalvarışını nəzərə alıb.
Futbolinfo.az xəbər verir ki, İK-nın qərarı ilə daha 6 nəfərin adı AFFA-dan təqaüd alan şəxslərin siyahısına daxil edilib. İlkin variantda say 5 nəfər olub, sonradan Vaqif Sadıqov öz adını ora əlavə etməyi Abdullayevdən xahiş edib. Sadıqov AFFA prezidentindən postundan ayrılmamış ona son yaxşılığı etməsi üçün yalvarıb və Abdullayev elə Gəncədəki iclasdaca siyahıya əl gəzdirib.
İllərdir Azərbaycan futboluna heç bir fayda vermədən kreslo tutan, bütün layihələri fiaskoya uğrayan, yalnız danışmağı bacaran Sadıqov bu addımı ilə yalnız özünü düşündüyünü göstərib, həmin təqaüdə ciddi ehtiyacı olan veteranlardan kiminsə adını siyahıya saldırmaqdansa, məhz özünü önə çəkib.Vitse-prezident, Məşqçilər Komitəsinin sədri olan, uzun illər daim uğursuz olmasına rəğmən, müxtəlif komandalarda baş məşqçi olan bu şəxsin ötən il Kazbek Tuayev məktəbindən də maaş aldığı üzə çıxmışdı. İşləmədən adına yüksək əməkhaqqı yazılan Sadıqov deyəsən, yeni dönəmdə İcraiyyə Komitəsində olmayacağını anlayıb. Elə bu üzdən o, daimi təqaüdlə istirahətə çəkilməyi planlayır.
- Premyer-liqa2024-04-14 20:55
“Qarabağ” “Sabah”a uduzdu
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı