Dünya futbolu
“Yuventus” 12 il sonra kənarda qaldı
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
“Yuventus” A Seriyasındakı çıxışının nəticələrinə və xalların silinməsinə görə Çempionlar Liqasına vəsiqə qazana bilməyib. Massimiliano Alleqrinin komandası A seriyasının 37-ci turu çərçivəsində səfərdə “Milan”a uduzub (0:1).
Futbolinfo.az xəbər verir ki, maliyyə saxtakarlığına görə 10 xalının silinməsindən sonra “Yuventus”un 59 xalı qalıb.
Turin təmsilçisi 2010/11 mövsümündən sonra ilk dəfə Çempionlar Liqasında oynamayacaq. Komanda A Seriyasında 7-ci yeri tutub.
“Yuventus”un hələ də avrokuboklara düşmək şansı var. Çünki onlar 6-cı yerdəki “Roma”dan cəmi 1 xal, 5-ci “Atalanta”dan 2 xal geri qalırlar. A Seriyasının son turunda “Yuventus” səfərdə “Udineze” ilə qarşılaşacaq.
![blank](https://futbolinfo.az/wp-content/plugins/wp-fastest-cache-premium/pro/images/blank.gif)