Digər idman növləri
Zədəlilər qayıtdı, “Anadolu Efes” “Barselona”nı darmadağın etdi
Basketbol üzrə Avroliqa turnirinin 22-ci turu 5 matçla start götürüb. Ən diqqətçəkən nəticələrdən biri kimi “Anadolu Efes”in “Barselona” üzərində qələbəsini qeyd etmək olar.
Ardıcıl məğlubiyyətlərdən sonra istanbullular ikinci qələbəni qazanıblar. Bunun da səbəbi zədəli oyunçuların sağalaraq komandaya qatılmasıdır. İlk hissə bərabər şəraitdə keçsə də, fasilədən sonra Türkiyə təmsilçisi qonaqlara aman verməyib – 98:74.
İspaniyanın digər komandası “Baskoniya” səfərdə “Srvena Zvezda”nı məğlub edib. Böyük fərqlə geridə olmasına baxmayaraq, basklar oyunda dönüş yarada biliblər – 91:90.
Almaniyanın iki komandasının qarşılaşmasında daha yüksək pillədə qərarlaşan “Bayern” 82:65 hesabı ilə qələbə qazanıb. Digər autsayder “Villerban” isə İtaliyada “Virtus”a 63:73 hesabı ilə məğlub olub. Yunanıstanda baş tutan “Olimpiakos” – “Makkabi” qarşılaşmasının qalibi isə ev sahibləri olub – 89:72.
Bu gün 22-ci turun daha 4 oyunu keçiriləcək.
- Ölkə futbolu2024-04-17 17:17
Kadiri yeni məşqçiyə uyğunlaşır: “Zamana ehtiyacımız var”
- I Liqa2024-04-17 17:34
Apellyasiya Arbitraj Tribunalı AFFA İntizam Komitəsinin qərarını dəyişdi
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Müsahibə2024-04-17 16:07
Sekidika çempionatın səviyyəsindən razıdır: “İstənilən komandanı məğlub etmək olar”