Müsahibə
Sxadadze: "İnter"dən getmək fikrində deyiləm"
“Inter”in hücumçusu Baçana Sxadadzenin …
“Inter”in hücumçusu Baçana Sxadadzenin futbolinfo.az saytına müsahibəsi
– Son turda “Qarabağ”a böyükhesabla məğlub olduz. Bunun səbəbini nədə görürsüz?
– Onlara məğlub olmağımız normal idi. Çünki “Qarabağ” bu il hər kəsdən güclü idi. Layiqli çempion oldular. Bu münasibətlə onları təbrik edirəm.
– “İnter” 2009-cu ildən bəri “Qarabağ”ı uda bilmir. Buna səbəb nədi?
– Bunun səbəbini mən də bilmirəm. Amma “Qarabağ” çox güclü rəqibdi. Bu mövsüm 4 oyunun hamısında onlara məğlub olmuşuq. Hətta iki oyunda böyükhesablı məğlubiyyət qeydə alınıb. Bu, üzücü nəticədi. Lakin buna baxmayaraq, biz mövsümün əvvəlində çox zəif çıxış edirdik. Mübarizəmizi sonadək davam etdirib, ikinci yerə qədər gələ bildik. Bunun özü də yaxşı nəticədi.
– Bu gün “Qəbələ” ilə oynayacaqsız. Bu oyun sizin üçün əhəmiyyət kəsb edir?
– “Qəbələ” güclü komandadı. Son iki oyunumuz qalıb. İnanıram ki, bu iki oyundan ən azı 1 xal götürüb, ikinci yeri təmin edəcəyik.
– 3-cü pillədən 6 xal irəlidəsiz. Demək olar ki, siz ikinci yeri təmin etmisiz?
– Yox, belə demək olmaz. Çünki hər iki oyunda məğlub olmaq ehtimalımız var. Amma əlimizdən gələnin ən yaxşısını edib bu yeri əlimizdə saxlamaq istəyirik. Biz bu il ikinci yerə gəlmək üçün çox şey etdik. Rəhbərlik, məşqçilər və futbolçular çox işlədi. Əlimizdən gələni edib buna nail olduq.
– Kaxaber Sxadadzenin “İnter”dən gedəcəyi barədə söhbətlər dolaşır…
– Bu barədə nəsə bilmirəm. Bunu mövsüm bitəndən sonra biləcəyik. Çünki o, hər şeyi məndən daha yaxşı bilir və düşünüb qərar verəcək. O, özü üçün ən yaxşı olanı seçəcək.
– Əgər atanız komandadan ayrılsa, siz də gedəcəksiz?
– Mən “İnter”dən getmək fikrində deyiləm. Burada qalıb yeni uğurlara imza atmaq istəyirəm. Çünki bu komanda mənə doğmadı və komandamı sevirəm.
– Bəzən atanızın “İnter”dən getməsi haqqında gəzən xəbərlər başqa cür səslənir. Onun qiymətini qaldırmaq üçün belə xəbərlərin qəsdən çıxarıldığını deyirlər…
– Yox, Kaxaber Sxadadze belə məşqçi deyil. O, artıq neçə ildi ki, “İnter”dədir və hər kəs onun işinə bələddi.
– “Qarabağ”la oyunda Brüs Abdullaye əvəzlənərkən etiraz etdi. Buna səbəb nə idi?
– Bizim komandada belə hallar ola bilməz. Buna ciddi səbəb olduğunu düşünmürəm. Amma əgər komanda uduzursa, Brüsün əsəbləşməsi normaldı. Ona görə də bu şişirdiləsi məqam deyil.
– Avropa Liqasında uğurlu çıxış edə bilmək üçün indiki heyət yetərlidi?
– Düzdü, biz builki inamımızla göstərdik ki, güclü komandayıq. Amma təbii ki, Avroliqada yaxşı oynamaq üçün daha çox futbolçuya ehtyacımız var. Komanda mövsüm bitdikdən sonra çox güman ki, güclənəcək. Bu, mənim işim deyil, sadəcə, düşüncələrim belədi.
ABBAS
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…
- Premyer-liqa2024-04-20 20:55
“Zirə” “Neftçi”yə qalib gəldi