Müsahibə
İaşvili: "Azərbaycan ilə Gürcüstan futbolu arasındakı fərq təəssüf ki, çox böyükdü"
“İnter”in gürcü hücumçusu Aleksandr…
“İnter”in gürcü hücumçusu Aleksandr İaşvili karyerasını hələ bitirməyəcək. Futbolinfo.az xəbər verir ki, 36 yaşlı futbolçu “Msoplio Sporti”yə müsahibəsində komandasına Avropa Liqasının təsnifat mərhələsində kömək edə bilmək ehtimalı və dekabra qədər oynamasının mümkünlüyü haqda danışıb:
– Hələ hansı addımı atacağıma qərar verməmişəm. Ola bilər ki, “İnter”ə avrokuboklarda kömək edim. Ola da bilər ki, dekabra qədər oynayım. Ən uzağı dekabra qədər. Mən bütün mövsümü keçirməyəcəyəm.
– “İnter”in baş məşqçisi Kaxaber Sxadadze sizdən qalmağı xahiş edib?
– Hə. Sxadadze xahiş etdi. Mən hər halda, düşündüm ki, bəlkə daha bir neçə ay da oynamağa dəyər.
– “İnter” Azərbaycanda ikinci oldu. Komanda mövsümə pis başladı və bir müddət autsayderlər arasında yer aldı. Necə düşünürsüz, pis başlanğıc olmasaydı, siz “Qarabağ”ı ötə bilərdiz?
– Bizim belə pis başlamağımız həqiqətən də qəribə idi. İlk altı oyunda biz yalnız bir qələbə qazandıq və beş dəfə məğlub olduq. Əgər pis başlanğıc olmasaydı, biz həqiqətən də çempion ola bilərdik. Ancaq ümumilikdə, mövsüm komanda üçün yaxşı alındı.
– Siz Azərbaycana Almaniyanın İkinci Bundesliqasından gəlmisiz. Azərbaycan çempionatı necə təsir bağışladı: gözlədiyinizdən daha yaxşı, ya pis?
– Gözlədiyimdən olduqca yaxşı. Düşünmürdüm ki, səviyyə belədi. Bu, oyunlardan və oyunların ahəngindən görünür.
– Əgər Gürcüstan və Azərbaycan çempionatlarını müqayisə etsək?
– Təəssüf ki, fərq böyükdü. Azərbaycanda legionerlər çoxdu. Bu onunla şərtləndirilir ki, Azərbaycan klublarının maliyyə vəziyyəti Gürcüstan klublarından dəfələrlə yaxşıdı. Stadionların da problemi həll edilir. Son vaxtlar yaxşı arenaların sayı artır.
– Siz Kaxa Sxadadzeni necə xarakterizə edərdiz? Onun hansı xüsusiyyətləri var?
– Mənim Kaxa ilə çoxdan münasibətim var. Ancaq məşqçi kimi onunla ilk dəfə “İnter”də oynadım. Düzünü deyim, mən onun belə bir səviyyəli məşqçi olduğunu gözləmirdim. O, öz işinin böyük ustasıdı. Hər şeyi futbolçulara xırdalıqlarına qədər izah edir, hər kəslə ümumi dil tapmağı bilir. O, rəqibin oyununu çözməyə çox vaxt ayırır ki, bu da bizə kömək edir. Oyun zamanı və meydandan kənarda onun intizamı yaxşı qurulub. Mahiyyətcə, nəticələr də buna şahidlik edir: Azərbaycanda dörd-beş klub “İnter”dən daha yaxşı maliyyələşdirilib. Ancaq Sxadadzenin komandası daima mükafatçılar üçlüyünə düşür. Bir dəfə isə çempion olub.
– Necə hiss edirsiz, sizi Azərbaycanda nə dərəcədə qiymətləndirirlər?
– Bu, hiss edilir. Qeyd edirlər ki, Almaniyada 16 il keçirmiş futbolçu belə bir karyeradan sonra Azərbaycana gəlib.
– Yaş hiss edilir, yorulmursuz?
– Deməzdim. Bu mövsümdə mən avrokuboklar da daxil olmaqla, iki oyun istisna olmaq şərti ilə, bütün qarşılaşmalarda oynamışam.
- I Liqa2024-05-17 08:00
“Şamaxı”… Qayıdır axı…
- Premyer-liqa2024-05-17 22:21
“Qarabağ” “Turan Tovuz”a qalib gəldi
- Ölkə futbolu2024-05-17 11:12
Vaqner Silva: “Avropada “Qarabağ”dan qorxurlar”
- Müsahibə2024-05-16 14:00
“Niderlandda gördüklərimizi həm akademiyamızda, həm də əsas komandamızda tətbiq etməyə çalışacağıq”