Müsahibə
"Fənər"in baş məşqçisi: "Qəbələ Kuboku"nu qazanmaq istəyirik"
"Qəbələ Kuboku" turnirində iştirak edən Türkiyən…
"Qəbələ Kuboku" turnirində iştirak edən Türkiyənin "Fənərbağça" klubunun 15 yaşadək futbolçulardan ibarət komandasının baş məşqçisi Əngin Kabaşın futbolinfo.az saytına müsahibəsi
– İngiltərə "Liverpul"unun ardından "Qəbələ"yə də qalib gəldiniz. Öncə matçla bağlı fikirlərinizi bilmək maraqlı olardı…
– Oyunun əvvəlində daha çox küləyə qarşı mübarizə aparırdıq. Daha sonra rəqib üzərində təzyiqi artırdıq və qollar vurmağa başladıq. Demək olar ki, oyun ərzində rəqibə qol vəziyyəti yaratmağa imkan vermədik. Biz isə daha çox qol epizodları yaratdıq. Onların da sadəcə, üçündən yararlanmaqla qələbə qazandıq.
– Sizcə, hesabın belə böyük olmasına nə səbəb oldu?
– Bildiyim qədərilə, "Qəbələ" yeni yaranan klubdu. Komandanın daha yüksək uğurlara imza atması üçün böyük əmək sərf edən insanlar var. "Fənərbağça" isə yüz illik tarixə malik bir camiədi. Belədə, təbii ki, müəyyən fərqlərin olması qaçılmazdı. Amma rəqib komanda da çox yaxşı mübarizə apardı. Sadəcə, biz daha yaxşı olduğumuz üçün belə qələbə qazandıq. Baxmayaraq ki, biz də məğlub ola bilərdik. Hər halda bunlar 15 yaşlı uşaqlardı. Hər şey ola bilərdi. Məncə, heç bu yaşda futbolçular üçün qələbə ilə məğlubiyyətin ciddi önəmi olmamalıdı. Onlar ilk növbədə səviyyələrini yaxşılaşdırmaq haqda düşünməlidilər.
– Bildiyim qədərilə, "Qəbələ" yeni yaranan klubdu. Komandanın daha yüksək uğurlara imza atması üçün böyük əmək sərf edən insanlar var. "Fənərbağça" isə yüz illik tarixə malik bir camiədi. Belədə, təbii ki, müəyyən fərqlərin olması qaçılmazdı. Amma rəqib komanda da çox yaxşı mübarizə apardı. Sadəcə, biz daha yaxşı olduğumuz üçün belə qələbə qazandıq. Baxmayaraq ki, biz də məğlub ola bilərdik. Hər halda bunlar 15 yaşlı uşaqlardı. Hər şey ola bilərdi. Məncə, heç bu yaşda futbolçular üçün qələbə ilə məğlubiyyətin ciddi önəmi olmamalıdı. Onlar ilk növbədə səviyyələrini yaxşılaşdırmaq haqda düşünməlidilər.
– Razılaşaq ki, bu oyunçuların yaşı artdıqca, səviyyə fərqi daha da böyüyəcək…
– Kimin necə inkişaf edəcəyini indidən heç kim deyə bilməz. Aydın məsələdi ki, Türkiyə futbolu Azərbaycanla müqayisədə daha yüksək səviyyədədi. Amma burada da çox dəyərli məşqçilər, mütəxəssislər var və böyük səylə futbolunuzun inkişafına çalışırlar. Bəlkə də "Qəbələ"nin bu heyətindən hansısa bir oyunçu gələcəkdə "Fənərbağça"dakılardan daha yaxşı futbolçu olacaq.
– "Qəbələ"nin təlim-məşq bazasını bəyəndinizmi?
– Möhtəşəm bazadı. Hələ də genişləndirməyə, yeni meydanlar salmağa davam edirlər. Buradakı futbolçular, məşqçilər çox şanslıdılar. Məsələn, bizim belə meydanlar baxımından sıxıntılarımız olsa da, burada hər şey tam fərqlidi. Azərbaycan xalqı bizə çox böyük maraq, qonaqpərvərlik göstərməkdədi. Hər halda bir millət, iki dövlət deyimi özünü doğruldur. Bu diqqətə görə də hər birinizə xüsusi təşəkkürümüzü bildirirəm.
– "Fənərbağça"nın bu turnirdəki hədəfi nədən ibarətdi?
– Bizim mütləq bu turniri qazanmaq kimi bir hədəfimiz yoxdu. Mən uşaqlara daha çox onu başa salmağa çalışıram ki, rəqiblərimizin nə etməyə çalışması bizim üçün önəmli deyil. Əsl önəmli olan özümüzün necə oynamağımızdı. Təbii ki, ortada bir kubok, çempionluq var. Biz də buna nail olmağı çox istərdik. "Fənərbağça" olaraq, sonadək mübarizəmizi davam etdirəcəyik, qalib olmağa çalışacağıq.
– Ötən mövsüm "Beşiktaş" 5-ci oldu. Ondan əvvəl isə "Qalatasaray" "Qəbələ Kuboku"nda qalib olmuşdu. "Fənərbağça"nın əzəli rəqibinin qazandığı kuboku əldə etmək kimi bir fikri varmı?
– Dediyim kimi, qarşıda bir hədəf var və uşaqlar da bunu görürlər, ona çatmağı arzulayırlar. Biz də "Fənərbağça" klubu olaraq, buradan qələbə ilə dönməyi çox istəyərdik. Amma sıfr "Qalatasaray" çempion olduğuna görə, biz də qızıl medallara yiyələnək kimi bir fikrimiz yoxdu. "Qalatasaray"ın, "Beşiktaş"ın əvvəlki illərdəki nəticələri bizi maraqlandırmır.
– Azərbaycan futbolu haqda nələri bilirsiz?
– Bildiyimə görə, futbolunuz inkişafdadı. "Qəbələ"də çoxlu türkiyəli məşqçilər var ki, onlarla da söhbətləşirik. İnşallah, Azərbaycan futbolu da yaxın gələcəkdə daha yaxşı yerlərdə qərarlaşar.
– "Fənərbağça"nın sabiq baş məşqçisi Mustafa Dənizlinin, eləcə də Güvənc Kurtarın son mövsümdə Azərbaycanda çalışmasından xəbəriniz vardı?
– Təbii ki, eşitmişik. Amma biz fərqli yerlərdəyik. Biz sadəcə, uşaqlarla çalışırıq, onlara futbolun sirrlərini öyrətmək istəyirik. Dənizli kimi mütəxəssislər isə performans idmanı ilə məşğuldu, onlar üçün nəticə daha vacibdi. Fərqli kateqoriyalardayıq. Bu üzdən də onların barəsində danışmağımız, nəsə deməyimiz düzgün deyil.
PƏRVİZ ELTÜRK, Qəbələ
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO
- Ölkə futbolu2024-05-04 10:19
“Araz-Naxçıvan”ın baş məşqçisi: “Rəqib tapmaq çətinləşir”